प्रदेश २ : जन्ती बोकेको जीप (स्कोर्पियो) दुर्घटना ६ जनाको मृ त्यु, १ जना घाइते

रौतहट/पुस १३ गते। रौतहटमा जन्ती बोकेको जीप (स्कोर्पियो) दुर्घटना हुँदा ६ जनाको मृ त्यु भएको छ ।

गौरबाट चन्द्रनिगाहपुरतर्फ जाँदै गरेको भारतीय बीआर ०५पीए ६९५३ नम्बरको जीप दुर्घटना हुँदा ६ जनाको मृ त्यु भएको जिल्ला प्रहरी कार्यालयका प्रवक्ता सुनील मल्लले जानकारी दिए।

मंगलबार ४ः१० बजे जन्ती बोकेको जीप अनियन्त्रित भएर दुर्घटना भयो,’ प्रवक्ता मल्लले भने, ‘६ जनाको मृ त्यु भएको छ ।’ उक्त जीपमा सात जना सवार रहेका थिए । अन्य तीन जना घाइते रहेका उनले बताए ।

मृ त्यु हुनेहरु गढीमाई नगरपालिका–३ गम्हरीया टोल बस्ने शेख मन्जुर को छोरा वर्ष १६ को शेख नैसाद, साबिदको छोरा वर्ष २२ को शेख सैनुल्लाह, वर्ष ५५को डा. मेसाफिर अन्सारी, शेख जाफलको छोरा वर्ष २५ को शेख छोटु, वर्ष १५ को शेख अजिबुल्लाह र नाम थर वतन नखुलेको अन्दाजी वर्ष ४०-४५ का पुरुषको मृत्यु भएको इलाका प्रहरी कार्यालय गरुडाका प्रहरी नायव उपरीक्षक सुनिल मल्लले जानकारी दिए।

घाइते सोही स्थानका शेख मोनाजिरको छोरा वर्ष १६ को शेख अलफाजलाई थप उपचारको लाथि वीरगंज पठाइएको छ भने वर्ष १५ को शेख अमानत र वर्ष १७ को शेख करिमुल्लाहको ग्राण्डी हस्पिटलमा उपचार भइरहेको छ।

दुई जना घाइतेको गौरकै ग्राण्डीमा उपचार भइरहेको र एक जनालाई उपचारको लागि वीरगन्ज रिफर गरिएको छ। घटनाबारे थप अनुसन्धान गरिरहेको प्रहरीले जनाएको छ।