जनकपुर–ढल्केवर ६ लेन सडकमा मोटरसाईकल दुर्घटना हुँदा एक युवकको मृ त्यु

जनकपुरधाम/कार्तिक १९ गते।जनकपुर–ढल्केवर ६ लेन सडकमा ओरभटेक गर्न खोज्दा मोटरसाईकल दुर्घटना हुँदा एक युवकको घटनास्थलमै मृ त्यु भएको हो ।

धनुषाको हरैयामा मोटरसाईकल दुर्घटना हुँदा एक जनाको मृ त्यु भएको छ । क्षीरेश्वरनाथ नगरपालिका वडा नं. ४ हरैयाटोलस्थित जनकपुर–ढल्केवर ६ लेन सडकमा सो दुर्घटना भएको प्रहरीले जनाएको छ ।

शुक्रबार (आज) करिब ११ः३० बजेको समयमा ढल्केवरबाट जनकपुरतर्फ जाँदै गरेको ज८ प ७०७२ नम्बरको मोटरसाइकललाई सोही दिशाबाट जाँदै गरेको प्रदेश २–०२–००४प ९०२८ नम्बरको मोटरसाइकलले ओभरटेक गर्ने क्रममा दुर्घटना हुँदा प्रदेश २–०२–००४प ९०२८ नम्बरको मोटरसाइकल चालक महोत्तरीको भमरपुराका अन्दाजी २३ वर्षीय जितेन्द्रकुमार यादवको मृ त्यु भएको धनुषाका प्रहरी प्रवक्ता डीएसपी जितेन्द्र बस्नेतले जानकारी दिए ।

मृतकको श व पोस्टमार्टमका लागि प्रादेशिक अस्पताल जनकपुरमा राखिएको उनले बताए । दुर्घटनामा ज.८प. ७०७२ नम्बरको मोटरसाइकलमा सवार धनुषाको गणेशमान चारनाथ नगरपालिका–६ गोदार बस्ने ३१ वर्षीय कृष्णकुमार साह, उनकी श्रीमती खुश्बु साह र अन्दाजी ४ वर्षीय छोरा रिहान कुमार साह घाइते भएको जिल्ला प्रहरी कार्यालय धनुषाले जनाएको छ ।

प्रहरीका अनुसार उनीहरुको उपचार प्रादेशिक अस्पताल जनकपुरमा भइरहेको र अवस्था सामान्य रहेको छ। दुवै मोटरसाइकल प्रहरी नियन्त्रणमा रहेको प्रहरीले जनाएको छ।