बारा/भदौ २ गते ।बाराको परवानीपुर गाउँपालिका–४ मा गाडीले मोटरसाइकललाई ठक्कर दिंदा एक जनाको ज्यान गएको छ ।
ना ४ च ३४३२ नम्बरको गाडीले ना २१ प १८३१ नम्बरको मोटरसाइकललाई मंगलबार बेलुका ठक्कर दिँदा मोटरसाइकल चालक वीरगञ्ज महानगरपालिका–१६ ईनर्वा टोलका ३८ वर्षीय राजेश रामको ज्यान गएको हो ।
दुर्घटनामा गम्भीर घाइते भएका रामको नारायणी बयोधा अस्पताल गण्डकमा उपचारको क्रममा ज्यान गएको हो । साथै दुर्घटनामा घाइते भएककी मोटरसाइकलमा सवार उनकै छोरी १९ वर्षीया ममता कुमारी र १३ वर्षीया मुस्कान कुमारीको सोही अस्पतालमा उपचार भइरहेको छ ।
गाडी चालकलाई प्रहरीले नियन्त्रणमा लिएको छ । दुर्घटनाका सम्बन्धमा थप अनुसन्धान भइरहेको जिल्ला प्रहरी कार्यालय बाराले जनाएको छ ।
Discussion about this post