आवारापन २’ बन्यो बर्षको सर्बाधिक कमाई गर्ने शिर्ष १० चलचित्र, दुई दिनमै कमायो ७२ करोड 

मुम्बई/साउन ३१ गते। इमरान हासमी र ​​दिशा पटानी अभिनित चलचित्र ‘आवारापन २’ ले प्रदर्शनमा आउना साथ बक्स अफिसमा तहल्का मच्चाएको छ।

दर्शकहरूबाट यस चलचित्रले निकै सकारात्मक प्रतिक्रिया पाइरहेको छ। ‘वर्ड अफ माउथ’ को बलियो प्रभावका कारण यस चलचित्रलाई ठूलो फाइदा पुग्यो, जसले गर्दा यसले १५ अगस्टको सार्वजनिक बिदाको पूर्ण सदुपयोग गर्न सक्यो।

नतिजा स्वरुप मात्र दुई दिन भित्रै यसले सन् २०२६ का ‘विकेन्ड ओपनर’ अर्थात सप्ताहन्तको सुरुवातमा राम्रो कमाइ गर्ने शीर्ष १० चलचित्रको सूचीमा आफ्नो स्थान सुरक्षित गरेको छ।

बक्स अफिसमा इमरान हासमीको चलचित्र ‘आवारापन २’ लाई १५ अगस्टको बिदाले निकै फाइदा पुर्‍यायो। फलस्वरूप, चलचित्रले प्रदर्शनको पहिलो दिनको तुलनामा दोस्रो दिन अर्थात शनिबार बढी कमाइ गर्‍यो। यसका साथै, हलहरूमा दर्शकको उपस्थिति दर पनि उच्च रह्यो। सकनिल्कका अनुसार चलचित्रले पहिलो दिन २२ करोड रुपैयाँ बराबरको व्यापार गरेको थियो।

‘आवारापन २’ ले १९ हजार ५२९ शोहरू मार्फत ७२.९० करोड भारतीय रुपैयाँको कुल कमाइ (भारतमा ६६.९० करोड र विदेशमा ६.०० करोड) गरेको छ भने  ५५.७५ करोड रुपैयाँको खुद कमाइ हासिल गरेको छ।

यति मात्र होइन, ‘आवारापन २’ ले बक्स अफिसमा उत्कृष्ट प्रदर्शन गर्दै रिलिजको दुई दिनभित्रै सन् २०२६ मा सप्ताहन्तको सुरुवातमा सर्वाधिक कमाइ गर्ने शीर्ष १० चलचित्रको सूचीमा आफ्नो स्थान सुरक्षित गर्‍यो। यसले अन्य चार चलचित्रको कीर्तिमान तोड्दै सातौं स्थानबाट छैटौं स्थानमा उक्लिन सफल भयो। यसले ‘ककटेल २’, ‘अल्फा’ र ‘ओ रोमियो’ जस्ता चलचित्रहरूलाई पछि पारेको छ।

‘आवारापन २’ को कुरा गर्दा यस चलचित्रको निर्देशन नितिन कक्करले गरेका हुन् र यसमा इमरान हाश्मी तथा दिशा पटानीले सँगै अभिनय गरेका छन्। मानव बेचबिखनको मुद्दालाई उजागर गर्ने यो चलचित्रमा प्रेमको पाटो पनि समावेश गरिएको छ। इमरान र दिशाबीच उत्कृष्ट अन स्क्रिन केमेस्ट्री देख्न सकिन्छ। उल्लेखनीय कुरा के छ भने यो चलचित्र मोहित सुरीको सन् २००७ को पहिलो निर्देशित चलचित्र ‘आवारापन’को सिक्वेल हो।