अल्लुको १००० करोडको ‘राका’ दुई भागमा आउने, शाहरुखको ‘क्यामियो’ रहने

हैदाराबाद/साउन १६ गते। एटलीको निर्देशनमा बन्न लागेको र अल्लु अर्जुनको मुख्य भूमिका रहेको चलचित्र ‘राका’ देशकै सबैभन्दा महँगो चलचित्रमध्ये एक हुने भएको छ। यसको निर्माण करिब १,००० करोड रुपैयाँको बजेटमा भइरहेको छ।

यतिखेर अर्जुनसहितका सम्पूर्ण कलाकारहरू लामो समयदेखि यस चलचित्रको छायाङ्कनमा व्यस्त छन्। यद्यपि, हाल प्राप्त जानकारीअनुसार चलचित्र निर्माताहरूले यसलाई दुई भागमा प्रदर्शन गर्ने योजना बनाएका छन् किनभने यसको कथावस्तु दुई फरक संसार र कालखण्डमा आधारित छ।

स्रोतहरूलाई उद्धृत गर्दै ‘इन्डिया टुडे’ ले जनाएअनुसार एट्लीले ‘राका’लाई सुरुमा योजना गरिएको भन्दा अझ भव्य चलचित्र बनाउने सोच बनाइएको छ। त्यसैले, उनले यसलाई एकल चलचित्रको सट्टा दुई भागको ‘फ्रेन्चाइज’ का रूपमा विकास गर्ने निर्णय गरेका छन्।

उक्त समाचार अनुसार ‘राका’को कथा दुई भिन्न कालखण्ड र परिवेशमा अघि बढ्नेछ, जसमा एउटा खण्ड प्राचीन वैदिक तथा आदिवासी संस्कृतिमा आधारित हुनेछ भने दोस्रो कालखण्डले आधुनिक युगलाई समेट्नेछ। चलचित्रले यी दुवै समय अवधिलाई जोड्दै कथालाई अघि बढाउनेछ।

यस परियोजनालाई अन्तर्राष्ट्रिय स्तरमा निर्माण गर्न निर्माताहरूले १,००० करोड रुपैयाँको बजेट छुट्याएका छन्। पोस्ट प्रोडक्सनका लागि पर्याप्त समय सुनिश्चित गर्न उनीहरूले यसै वर्षको अन्त्यसम्ममा दुवै चलचित्रको छायांकन पूरा गर्ने लक्ष्य राखेका छन्। लामो समयदेखि यो चलचित्रमा अर्जुनले दुई वा सोभन्दा बढी भूमिकामा अभिनय गर्ने चर्चा चलिरहेको छ, विभिन्न कालखण्डको उल्लेखले यस कुराको पुष्टि गर्छ।

यसैबीच, चलचित्रका मुख्य अभिनेत्रीहरूबारे पनि नयाँ जानकारीहरू बाहिर आएको छ। हालसम्म निर्माताहरूले दीपिका पादुकोणको नाम मात्र आधिकारिक रूपमा घोषणा गरेका छन् तर मृणाल ठाकुर, जाह्नवी कपुर र रश्मिका मन्डन्नाको नाम पनि निरन्तर चर्चामा रहेको छ। विभिन्न रिपोर्टहरूका अनुसार मृणालले आधुनिक समयको कथावस्तुमा मुख्य भूमिका निभाउने छिन् तर दीपिका, जान्हवी र रश्मिकाले निर्वाह गर्ने पात्रहरू प्राचीन कालका हुनेछन्। सुरुवाती रिपोर्टहरूमा रश्मिकाले यस चलचित्रमा खलनायकको भूमिका निभाउने बताइएको थियो तर निर्माताहरूले यसको अझै पुष्टि गरिसकेका छैनन्।

शाहरुख खानले पनि यसमा छोटो भूमिका (क्यामियो) निभाउने चर्चा छ। स्रोतका अनुसार उनको दृश्यको छायांकन अझै बाँकी छ, छायांकनका लागि एट्ली विदेश जाने छन्। शाहरुखले ‘जवान’ चलचित्रको आफ्नो अवतारमै क्यामियो भूमिकामा देखिने अनुमान गरिएको छ। एटलीले नै दुवै चलचित्रको निर्देशन गरेकाले यो सम्भावनालाई नकार्न सकिँदैन, विशेष गरी उनले ‘जवान’मा अर्जुनका लागि एउटा ‘क्यामियो’को योजना बनाएका थिए भन्ने कुरालाई विचार गर्दा खेरी यो सम्भवः नहोला भन्न सकिन्न। तर, त्यस समयमा अर्जुन ‘पुष्पा २’ को छायाङ्कनमा व्यस्त थिए र ‘जवान’का लागि समय निकाल्न सकेनन्। यदि शाहरुख र अर्जुन ‘राका’का लागि सँगै आए भने, यसले बक्स अफिसमा पक्कै पनि तहल्का मच्चाउने पक्कै नै छ। चलचित्रको कुरा गर्दा निर्माताहरूले यसलाई सन् २०२७ को डिसेम्बरमा प्रदर्शन गर्ने योजना बनाइरहेको चर्चा छ।