काठमाडौ/साउन ९ गते । नेकपा एमाले र नेकपाले ५ प्रदेशमा भागवन्डा टुंग्याएका छन् ।
एमाले र नेपाली कम्युनिस्ट पार्टीबीच प्रदेश सरकार गठन र सहकार्यका विषयमा तीनबुँदे सहमति भएसँगै ५ प्रदेशको नेतृत्वको भागवन्डा टुंगाएका हुन ।
जसअनुसार संयुक्त सरकारमा कोशी प्रदेश, बागमती प्रदेश र लुम्बिनी प्रदेशको नेतृत्व एमालेले र कर्णाली प्रदेश र सुदूरपश्चिम प्रदेशको नेतृत्व नेकपाले गर्नेछ। मधेस प्रदेश र गण्डकी प्रदेशमा भने अन्य दलसँग कुराकानी गरेर टुंग्याइनेछ ।
सहमति अनुसार राजनीतिक स्थिरता, सुशासन, समृद्धि र प्रादेशिक विकासको गतिलाई तीव्र तुल्याउन प्रदेश सभाहरूमा सहकार्य गर्ने र संयुक्त सरकार गठन गर्ने निर्णय दुई दलले गरेका हुन ।
शनिबार भएको उक्त सहमति पत्रमा एमालेअध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’ ले हस्ताक्षर गरेका छन्।
Discussion about this post