थालापतिको चलचित्रको बम्पर ओपनिङ, अग्रिम टिकटवाटै २८ करोड संकलन

हैदाराबाद/साउन ७ गते। थालापति विजयको चलचित्र ‘जन नायकन’ अन्ततः सिनेमाघरहरूमा प्रदर्शनमा आएको छ।

यस चलचित्रलाई लिएर प्रशंसकहरूमाझ निकै उत्साह देखिएको छ । हल बाहिर चलचित्र हेर्न आएका दर्शकहरूको लामो लाइनले नै यो कुरा प्रस्ट पार्छ।

यसैबीच, देशभरका सिनेमा हलहरूमा प्रशंसकहरूले निकै उत्साहका साथ चलचित्रको स्वागत गरिरहेका छन्। आउनुहोस्, यस चलचित्रको प्रदर्शनको पहिलो दिनको बक्स अफिस कमाइ र दर्शकको उपस्थितिको दरबारे जानकारी लिऔँ।

एच विनोथद्वारा निर्देशित यस चलचित्रले प्रदर्शन हुनु अघि नै अग्रिम बुकिङमार्फत निकै चर्चा बटुल्यो। भारतभर ‘जना नायकन’का कुल १०,०५,७५६ टिकटहरू अग्रिम रूपमा बिक्री भएका थिए ।  आरक्षित सिटहरू बाहेक यसबाट २२.२६ करोड रुपैयाँ संकलन भयो भने आरक्षित सिटहरू समेत जोड्दा अग्रिम बुकिङबाट भएको कुल संकलन २८.२५ करोड भारतीय रुपैयाँ रहेको जनाइएको छ।

सबैभन्दा बढी बुकिङ तमिल संस्करणबाट भएको थियो, जसमा ९ लाख ७६ हजार १३४ टिकटहरू बिक्री भएका थिए भने हिन्दी संस्करणका लागि ७,५९२ र तेलुगु संस्करणका लागि २२,०३० टिकटहरू बिक्री भएका थिए । अग्रिम बुकिङबाट प्राप्त रकममा तमिलनाडुको योगदान सबैभन्दा बढी रह्यो, यसले अग्रिम बिक्री मार्फत १२.२७ करोड रुपैयाँ संकलन गरेको छ । यसपछि कर्नाटकले ५.९६ करोड रुपैयाँ र केरलाले २.०२ करोड रुपैयाँ संकलन गरेको भारतीय सञ्चारमाध्यमले जनाएका छन् ।

‘जन नायकन’ले अग्रिम टिकट बिक्रीबाट भारी कमाइ गरेको छ, जसले गर्दा थलापति विजयको अन्तिम चलचित्रको ‘बम्पर ओपनिङ’ निश्चित भएको छ।

सकनिल्कको प्रारम्भिक तथ्याङ्क अनुसार  ‘जन नायकन’ ले प्रदर्शनको पहिलो दिन दिउँसो ३ बजेसम्म १४.४० करोड रुपैयाँ कमाएको छ भने यसको अकुपेन्सी दर ३५.४ प्रतिशत देखिएको छ।

एच विनोथद्वारा निर्देशित चलचित्र ‘जना नायकन’ मा विजय, बबी देओल, पूजा हेगडे, ममिता बैजु, प्रकाश राज, प्रियामणि, गौतम वासुदेव मेनन र रेबा मोनिका जोन मुख्य भूमिकामा छन्। प्रदर्शनको पहिलो दिन नै चलचित्रले शानदार सुरुवात गर्ने निश्चित भए पनि अब सबैको ध्यान यसले पहिलो सप्ताहन्तमा कस्तो प्रदर्शन गर्छ भन्नेमा केन्द्रित छ।