धनुषा/असार २८ गते। जनकपुरधामस्थित श्री राम युवा कमिटीको नयाँ नेतृत्व चयनका लागि सम्पन्न निर्वाचनबाट विजयकुमार साह (दबाई) अध्यक्ष पदमा निर्वाचित भएका छन्।
अध्यक्ष पदका लागि भएको त्रिपक्षीय प्रतिस्पर्धामा विजयकुमार साहले ६९ मत प्राप्त गर्दै विजयी बने। उनका निकटतम प्रतिद्वन्द्वी गणेशप्रसाद साहले ५५ मत प्राप्त गरे भने अर्का उम्मेदवार अनिकेतकुमार ठाकुरले ५१ मत प्राप्त गरेका थिए।
वरिष्ठ उपाध्यक्ष पदमा शिव ठाकुर सोनार १८५ मतसहित विजयी भए। उनका प्रतिस्पर्धी उपिन्दर भण्डारीले ३३ मत र अजयकुमार ठाकुरले २१ मत प्राप्त गरेका थिए। उपाध्यक्ष पदमा भने दीपककुमार साह यसअघि नै निर्विरोध निर्वाचित भइसकेका थिए।
महासचिव पदमा शुभाषचन्द्र साह १०० मतसहित विजयी भए। उनका प्रतिस्पर्धी विनोद ठाकुरले ६२ मत तथा शम्भुलाल दासले ६८ मत प्राप्त गरेका थिए। सचिव पदमा लोकेश्वर झा ७५ मतसहित निर्वाचित हुँदा उनका निकटतम प्रतिद्वन्द्वी आनन्दकुमार मण्डलले ७१ मत प्राप्त गरे।
त्यसैगरी, कोषाध्यक्ष पदमा विनय साह १२२ मतसहित विजयी भए भने उनका प्रतिस्पर्धी रामनाथ यादवले १०२ मत प्राप्त गरेका थिए।
निर्वाचनबाट कार्यसमिति सदस्यमा अमर ठाकुर, धर्वेन्द्र साह (आलु प्याज), दिलिपकुमार साह, जितेन्द्रकुमार भगत, महावीर साह (गोपाल), संजीपकुमार साह तथा सुदीपकुमार भण्डारी निर्वाचित भएका छन्।
निर्वाचन सम्पन्न भएपछि प्रमुख निर्वाचन अधिकृत निर्मलकुमार चौधरीले नवनिर्वाचित पदाधिकारी तथा सदस्यहरूलाई प्रमाणपत्र प्रदान गर्दै बधाई तथा सफल कार्यकालका लागि शुभकामना व्यक्त गरेका थिए। नवनिर्वाचित कार्यसमितिले संस्थाको विकास, सामाजिक सेवा तथा धार्मिक गतिविधिलाई अझ प्रभावकारी रूपमा अघि बढाउने प्रतिबद्धता जनाएको छ।
Discussion about this post