सर्लाही, ५ असार । स्रोत नखुलेको ३२ लाख नगदसहित सर्लाहीमा एकजना पक्राउ परेका छन् । मलंगवा नगरपालिका–१० झिम पुलबाट स्रोत नखुलेको नगद ३२ लाख रूपैयाँ सहित एकजना पक्राउ परेका हुन् ।
रामनगर गाउँपालिका–३ बस्ने २८ वर्षीय गुडुकुमार यादवलाई बिहीबार दिउँसो प्रहरीले पक्राउ गरेको हो । जिल्ला प्रहरी कार्यालय सर्लाहीबाट खटिएको प्रहरीले भारतबाट नेपालतर्फ आउँदै गरेको म.प्र.०५–००१ प ११०६ नम्बरको मोटरसाइकलमा सवार उनलाई उक्त नगदसहित फेला पारी पक्राउ गरिएको जनाइएको छ ।
साथै प्रहरीले घटनामा संलग्न १ जनालाई आवश्यक अनुसन्धानको लागि नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।
Discussion about this post