तेली कल्याण समाज नेपाल, वडा नं. १६ को आयोजनामा निःशुल्क स्वास्थ्य शिविर र शुभकामना आदान–प्रदान कार्यक्रम सम्पन्न

गिरिजानन्द साह/धनुषा/चैत २८ गते। तेली कल्याण समाज नेपाल, वडा नं. १६ को आयोजनामा निःशुल्क स्वास्थ्य शिविर, रक्तदान तथा नयाँ वर्ष २०८३ को अवसरमा शुभकामना आदान–प्रदान कार्यक्रम सम्पन्न भएको छ।

जनकपुरधाम उपमहानगरपालिका वडा नं. १६ कपिलेश्वरस्थित श्री कपिलेश्वरनाथ मन्दिर धर्मशालामा आयोजित कार्यक्रममा “स्वस्थ नागरिक, समृद्ध समाज – स्वास्थ्य नै धन हो, समयमै जाँच गरौँ” भन्ने नारालाई आत्मसात् गर्दै विभिन्न स्वास्थ्य सेवाहरू प्रदान गरिएको थियो।

कार्यक्रम तेली कल्याण समाज वडा नं. १६ का अध्यक्ष बिगुल साहको अध्यक्षतामा सम्पन्न भएको हो। शिविरमा मुटुरोग विशेषज्ञ डा. राजेश साह, इन्टरनल मेडिसिनका डा. पूर्ण प्रताप साह, स्त्रीरोग विशेषज्ञ डा. जयनाथ साह तथा हाडजोर्नी तथा नसा रोग विशेषज्ञ डा. निर्मेश साहले स्वास्थ्य परीक्षण सेवा प्रदान गरेका थिए। शिविरबाट ५०० भन्दा बढी सर्वसाधारणले प्रत्यक्ष लाभ लिएका छन्। यसैगरी, नेपाल रेडक्रसको सहयोगमा रक्तदान कार्यक्रम पनि सञ्चालन गरिएको थियो, जसमा स्थानीय युवाहरूको सहभागिता देखिएको थियो।

कार्यक्रमको व्यवस्थापक टिममा अध्यक्ष बिगुल साह, उपाध्यक्ष वीरेन्द्र साह, सचिव राम हृदय साह, कोषाध्यक्ष विक्रम साह, तथा सदस्य हरु श्याम साह, कपिल साह, विनोद साह, सुरेन्द्र साह, रमेश साह, ईश्वर साह, किशोरी साह, शिव कुमार साह र राम किशोर साह रहेका थिए ।

कार्यक्रमको अर्को महत्वपूर्ण पक्षका रूपमा नयाँ वर्ष २०८३ को अवसरमा शुभकामना आदान–प्रदान कार्यक्रम सम्पन्न गरिएको थियो। जसमा कार्यक्रमको संचालन अम्भु प्रसाद साहले गरेको थियो भने कार्यक्रमको विशिष्ट अतिथिमा तेली समाज नेपाल जिल्ला अध्यक्ष ललित साह, पूर्व मेयर बजरंग साह, पूर्व मन्त्री अरविन्द साह, वार्ड ९ अध्यक्ष परमेश्वर साह, वडा ३ अध्यक्ष दीपेन्द्र साह, मेयर प्रत्यासी जानकी राम साह, तेली समाज नगर अध्यक्ष राम बाबु साह, तेली समाज जिल्ला सचिव अशोक साह, वडा न.- १६ को वडा अध्यक्ष राम चन्द्र पाजियार, जसपा नेता सञ्जय चौधरी, नेपाली कांग्रेस नेता रामबाबु यादव, कपलेश्वरनाथ युवा कमिटीका अध्यक्ष मनोज साह, पूर्व जिल्ला उपसभापति राम बाबु साह, र स्वापानेता अजय यादव, रास्व पा नेता विजय साह, र स्व पा नेता सरोज साह,रास्वपाका नेता तथा समाजसेवी अम्भु प्रसाद साह,तेली कल्याण समाजका वडा न.-१६ का बिक्रम साह लगायत पत्रकार र नागरिक समाजका प्रतिनिधिहरूको उपस्थिति रहेको थियो।

त्यस अवसरमा वक्ताहरूले स्वास्थ्य सचेतना, सामाजिक एकता र सेवामुखी कार्यक्रमहरूलाई निरन्तरता दिनुपर्नेमा जोड दिएका थिए। कार्यक्रमले समुदायमा स्वास्थ्यप्रति जागरूकता अभिवृद्धि गर्नुका साथै सामाजिक सद्भाव सुदृढ बनाउन महत्वपूर्ण योगदान पुर्‍याएको आयोजकले जनाएको छ।