धनुषा/चैत १७ गते। जनकपुरधाममा जारी वडा स्तरीय क्रिकेट प्रतियोगिता अन्तर्गत सम्पन्न खेलमा वडा नं. १४ ले वडा नं. २४ लाई ४ विकेटले पराजित गर्दै शानदार जित हात पारेको छ। यस हारसँगै वडा नं. २४ प्रतियोगिताबाट बाहिरिएको छ।
टस जितेर पहिले ब्याटिङ गरेको वडा नं. २४ ले निर्धारित ओभरमा ७८ रन बनाएको थियो। टोलीका लागि राहुल कर्णले २५ रन तथा अमन कर्णले १२ रनको योगदान दिएका थिए। बलिङतर्फ वडा नं. १४ का कृष्ण मोहन साह र राहुल यादवले उत्कृष्ट प्रदर्शन गर्दै समान ३–३ विकेट लिए।
७९ रनको लक्ष्य पछ्याएको वडा नं. १४ ले संयमित ब्याटिङ गर्दै लक्ष्य पूरा गर्यो। टोलीका लागि रजा बाबु यादवले १९ रन तथा कृष्ण मोहन साहले १६ रनको योगदान दिएका थिए। वडा नं. २४ का बलरमध्ये गंगा कर्णले २ विकेट तथा राजु साहले १ विकेट लिए पनि टोलीलाई जित दिलाउन पर्याप्त भएन।
उक्त खेलमा उत्कृष्ट प्रदर्शन गरेका वडा नं. १४ का कृष मोहन साह म्यान अफ द म्याच घोषित भएका थिए। खेलको म्यान अफ द म्याच पुरस्कार बरिष्ठ कमेन्टेटर अमन यादव ज्यूद्वारा प्रदान गरिएको थियो।
प्रतियोगितामा जम्मा १८ वटा वडाको टीम ले भाग लिएका छन् । यस वडा कपको डाइरेक्टर हरी शंकर साह,एड्मिनिस्ट्रेटर अम्भु प्रसाद साह, डेन्टल पार्टनर र को स्पोनसर गिता आस्पीरेशन प्रा.लि.देवी चोक,मेडिकल पार्टनर ओम फिजियो थेरापी,टाईटल स्पोन्सर युरो पेन्टस,मिडिया कोर्डिनेटर सजिलो पोस्ट,स्पोर्ट्स पार्ट्नर हरीस स्पोर्ट्स जोन,स्पोर्टिङ्ग क्लब श्री राजदेवी युवा कमिटी र न्यु भिजन नेपाल रहेको छ। वडा कपको संयोजक अरविन्दका अनुसार प्रतियोगिता नक आउट प्रणालीमा खेलाइदै छ भने खेलमा सेतो लेदर बल बाट भईरहेको छ । भोलि देखि क्वाटर फाईलन खेल सुरु हुदैछ । भोली १०:३० बजे पहिलो सेमिफाइनल वडा न.-९ र वडा न.-१९ बीच हुनेछ भने दोस्रो क्वटल फाईनल दिउसो २:१५ बेजे वडा न.-२३ र वडा न.-१७ बीच हुनेछ । खेलका सम्पूर्ण नियमहरू अन्तर्राष्ट्रिय क्रिकेट परिषद् (ICC) का प्रचलित मापदण्ड अनुसार रहेको जानकारी संयोजक प्रशान्त अरविन्दले दिएको छ।
Discussion about this post