धनुषा/चैत १३ गते । लियो क्लब अफ जनकपुरधामको नेतृत्व परिवर्तन गरी कार्यवाहक अध्यक्षमा जयन्त कादमियालाई नियुक्त गरिएको छ। लायन्स कलब अफ जनकपुरद्वारा जारी गरिएको पत्रमार्फत तत्कालीन अध्यक्षलाई पदबाट हटाइएको तथा नयाँ कार्यवाहक अध्यक्ष नियुक्त गरिएको जानकारी सार्वजनिक गरिएको हो।
क्लबले उपाध्यक्ष जयन्त कादमियालाई कार्यवाहक अध्यक्ष (Acting President) पदमा नियुक्त गरेको छ। वर्तमान परिस्थितिलाई मध्यनजर गर्दै क्लबको नियमित सञ्चालन, कार्यक्रमहरूको निरन्तरता तथा संस्थागत स्थायित्व कायम राख्न यो निर्णय गरिएको जनाइएको छ। उनको कार्यकाल २०२६ मार्च २५ देखि सुरु भई जुन २०२६ सम्मका लागि मान्य रहने उल्लेख गरिएको छ।
क्लबले नयाँ कार्यवाहक अध्यक्षलाई प्रशासनिक, व्यवस्थापकीय तथा कार्यक्रमसम्बन्धी कार्यहरू प्रभावकारी रूपमा सञ्चालन गर्दै संगठनको नियम, मूल्य र उद्देश्यअनुसार जिम्मेवारी निर्वाह गर्न विश्वास व्यक्त गरेको छ। साथै, सम्पत्ति, कागजात तथा जिम्मेवारीहरू व्यवस्थित रूपमा सम्हाल्दै आवश्यक समन्वय र नेतृत्व प्रदान गर्न आग्रह गरिएको छ।
Discussion about this post