धनुषा/चैत ११ गते । जनकपुरधाममा खेलकुदको विकास गर्ने उद्देश्यले भोलि (चैत १२ गते) देखि आयोजना हुन लागेको “वडा क्रिकेट कप २०८२” को सम्पूर्ण तयारी पूरा भएको छ।
आज पत्रकार सम्मेलनको आयोजना गरी जनकपुरधाम उपमहानगरपालिका वडा न.- १०को आयोजनामा जनकपुरधाम वडा क्रिकेट कप प्रतियोगिता शुरु हुन लागेको आयोजकले जानकारी दिएको छ । चैत १२ गतेदेखि चैत २१ गतेसम्म चल्ने क्रिकेट प्रतियोगितामा जनकपुरधाम उपमहानगरपालिकाका १८ वटा वडा सहभागी भएका छन् । खेल बारहबीघा रंगभूमि मैदानमा प्रतियोगिता सञ्चालन हुने जानकारी प्रतियोगिताका संयोजक प्रशान्त अरविन्दले दिएका छन्।
जनकपुरधाम उपमहानगरको वडा नम्बर १, ४, ५, ६, ८, ९, १०, ११, १२, १४, १६, १७, १८, १९, २०, २२, २३ र २४ को टीम क्रिकेट प्रतियोगितामा सहभागी भएको संयोजक प्रशान्त अरविन्दले जानकारी दिएका छ्न । प्रतियोगितामा सहभागी हुने १८ वटै वडाका टिमलाई बुधबार एक कार्यक्रमका बीच जनकपुरधाम उपमहानगरपालिकाका नगरप्रमुख मनोजकुमार साहले ड्रेस तथा खेलकुद किट हस्तान्तरण गरेका छन् ।
संयोजक अरविन्दका अनुसार प्रतियोगिता नकआउट (Knockout) प्रणालीमा खेलाइनेछ भने खेलमा सेतो लेदर बल (White Leather Ball) प्रयोग गरिनेछ। साथै, खेलका सम्पूर्ण नियमहरू अन्तर्राष्ट्रिय क्रिकेट परिषद् (ICC) का प्रचलित मापदण्डअनुसार लागू गरिने जनाइएको छ।
प्रतियोगितामा सहभागिता शुल्क निःशुल्क राखिएको छ भने सहभागी खेलाडीहरूलाई आवश्यक ड्रेस जनकपुरधाम उपमहानगरपालिकाले उपलब्ध गराएको छ। प्रतियोगिताका लागि पिच क्रीएटरको जिम्मेवारी संजय यादवले सम्हाल्नेछन्।
त्यसैगरी, प्रतियोगिताको मेडिकल पार्टनर गीता आसपेरिशन, मिडिया कोर्डिनेटर सजिलो पोस्ट र स्पोर्ट्स पार्टनर हरी स्पोर्ट्स जोन रहेको संयोजक अरविन्दले जानकारी दिएका छन्।
प्रतियोगितालाई सफल बनाउन सम्पूर्ण खेलप्रेमी तथा सरोकारवाला निकायलाई आयोजकले सक्रिय सहभागिताका लागि अनुरोध गरेको छ।
Discussion about this post