धनुषा/माघ २९ गते । डल्फिन पाईप एन्ड फिटिङ्सको आयोजनामा प्लम्बरहरू लक्षित ‘प्लम्बर मिट’ कार्यक्रम जनकपुरधाममा भव्यताको साथ सम्पन्न भएको छ । कार्यक्रम डलफिन पोलीप्लास्ट ईन्ड्ष्ट्रिज प्रा.लि. बिराटनगर र पि पगररिया ईन्ड्ष्ट्रिज प्रा.लि. जनकपुरधाम-२३ बिन्धी बेलाको संयुक्त आयोजनामा भएको कार्यक्रममा मधेश प्रदेश ८ वटै जिल्लाहरुको करिब ४०० जना भन्दा बढी प्लम्बरहरूको उत्साहजनक सहभागिता रहेको थियो।
कार्यक्रममा कम्पनीका प्रतिनिधिहरूले मोरङको ग्रामथाममा रहेको डलफिन पोलीप्लास्ट ईन्ड्ष्ट्रिज प्रा.लि. का उत्पादनहरूको गुणस्तर, टिकाउपन र प्रयोगसम्बन्धी प्राविधिक जानकारी प्रदान गरेका थिए। सहभागी प्लम्बरहरूलाई नयाँ प्रविधि, सुरक्षित जडान विधि तथा आधुनिक प्लम्बिङ प्रणालीबारे जानकारी गराइएको आयोजकले जनाएको छ।
उक्त अवसरमा जनकपुरधाम हार्डवेयर व्यवसायी संघको पदाधिकारीहरुलाई सम्मान गर्नुका साथै सहभागीहरूबीच अन्तरक्रिया, अनुभव आदान–प्रदान र सुझाव संकलन गरिएको थियो। प्लम्बिङ क्षेत्रमा देखिएका चुनौती, बजारको अवस्था र समाधानका उपायबारे समेत छलफल गरिएको थियो।
डलफिन पाईप एन्ड फिटिङ्सले यस्ता कार्यक्रममार्फत प्लम्बरहरूको सीप अभिवृद्धि, पेशागत सुदृढीकरण तथा ग्राहकलाई गुणस्तरीय सेवा प्रवाहमा सहयोग पुग्ने विश्वास व्यक्त गरेको छ।
कार्यक्रम सहभागीहरूले उपयोगी र जानकारीमूलक रहेको बताउँदै यस्ता तालिम तथा अन्तरक्रियाले पेशागत दक्षता बढाउन मद्दत पुग्ने प्रतिक्रिया दिएका छन्।
Discussion about this post