गिरिजानन्द साह/धनुषा/माघ २३ गते। सामुदायिक रेडियो प्रसारक संघ (ACORAB) को आयोजनामा समुदाय स्तरमा नागरिक समाज सुदृढीकरण सम्बन्धी अन्तरक्रिया कार्यक्रम जनकपुरधाममा सम्पन्न भएको छ।
कार्यक्रममा स्थानीय नागरिक समाजका प्रतिनिधि, सामाजिक अभियन्ता, विभिन्न संघ–संस्थाका प्रतिनिधि, सञ्चारकर्मी तथा सरोकारवालाहरूको उल्लेखनीय सहभागिता रहेको थियो। अन्तरक्रियाका क्रममा नागरिक समाजको भूमिका, समुदायमा जनसहभागिता अभिवृद्धि तथा सुशासन प्रवर्द्धनका विषयमा गहिरो छलफल गरिएको थियो।
वक्ताहरूले नागरिक समाज सशक्त भए मात्र समुदायमा पारदर्शिता, जवाफदेहिता र लोकतान्त्रिक अभ्यास मजबुत हुने धारणा व्यक्त गरे। साथै, समुदायको आवाज नीति निर्माण तहसम्म पुर्याउन मिडिया र नागरिक समाजबीचको सहकार्य आवश्यक रहेकोमा जोड दिइयो।
सहभागीहरूले यस्ता अन्तरक्रिया कार्यक्रमहरूले समुदायलाई सचेत र सशक्त बनाउन महत्वपूर्ण भूमिका खेल्ने बताउँदै आगामी दिनमा पनि निरन्तर रूपमा यस्ता कार्यक्रम सञ्चालन गर्नुपर्ने आवश्यकता औंल्याएका छन्।
Discussion about this post