जनकपुरधाम/पुस ९ गते। बंगलादेशमा हिन्दु युवा दिपुचन्द्र दासको बर्बरतापूर्ण हत्या भएको घटनाप्रति रामानन्दीय वैष्णव संघ जनकपुरधाम आक्रोष व्यक्त गरेको छ।
संघका अध्यक्ष एवं जानकी मन्दिरका उत्तराधिकारी महन्थ रामरोशन दासले आज तुलसी स्मारकमा पत्रकार सम्मेलनको आयोजना गरि धर्मको आडमा गरिएको अमानवियपूर्ण घटनाप्रति आक्रोश व्यक्त गर्दै भोली जनकपुरधाममा विरोध प्रदर्शन गर्ने घोषणा गरेका हुन ।
भोली विहीवार दिउसो दिन ३ जानकी मन्दिरको प्राङ्गणबाट विरोध रैली शुरु हुने अध्यक्ष दासले बताए । अध्यक्ष दासले विरोध रैलीमा सहभागी हुन सम्पूर्ण हिन्दुधर्मानुरागीका साथै जनकपुरधामबासी अपील समेत गरेका छन ।
पत्रकार सम्मेलनमा आफनो धारणा राख्दै अध्यक्ष दासले बंगलादेशमा पटक पटक अल्पसंख्यक हिन्दु धर्मावलम्बीहरु माथि हुँदै आएको आक्रमणको घटना मानवता विरोधी रहेको भन्दै त्यस्ता मानवता विरोधी घटनामा संलग्नहरु माथि कारबाहीको लागि पहल गर्न नेपाल सरकार संग अपील समेत गरेको छ ।
उनले हिन्दुहरु माथिको आक्रमण बन्द नभए हिन्दु समाज र साधुसन्तहरु बंगला देश विरुद्ध प्रदर्शन गर्न बाध्य हुने चेतावनी समेत दिएका छन ।
Discussion about this post