गिरिजानन्द साह/जनकपुरधाम/कार्तिक २९ गते। जनकपुर जेसिजको आयोजनामा संचालन गरिएको ‘जेसिज सप्ताह २०२५’ विभिन्न कार्यक्रमको आयोजना गरि भव्यताका साथ सम्पन्न भएको छ ।
जेसिजको बार्षिक कार्यक्रम अन्तर्गत यहि कार्तिक १९ गतेवाट सुरु भएको सप्ताहव्यापी कार्यक्रम आज सम्पन्न भएको हो । जेसिज सप्ताह अन्तर्गत पहिलो दिन मानवसेवा आश्रममा फुड ग्रेन एन्ड डिनर डिस्ट्रिब्युसन कार्यक्रमको आयोजना गरिएको थियो,दोस्रो दिन स्लो बाईक रेस,तेस्रो दिन स्कुल लेभल ओरेट्री कन्टेस्ट,चौथो स्कुल लेभल नृत्य प्रतियोगिता ,पाचै दिन स्टेसनरी डिस्ट्रिब्युसन र छैठौ दिन ड्रग एव्युजन लगायतका कार्यक्रम आयोजना गरि कार्तिक २९ गते शनिबार सप्ताहको समापन कार्यक्रम गर्दै जेसीज सप्ताह २०२५ सम्पन्न भएको जेसीज सप्ताह २०२५ का मुल आयोजक समितिको अध्यक्ष जेसि मनोहर ठाकुरले जानकारी दिए ।
जनकपुर जेसिज २०२५ को अध्यक्ष जेसी मुकेश साहको अध्यक्षतामा भएको समापन कार्यक्रमका जनकपुरधाम उपमहानगरपालिकाको नगर प्रमुख मनोज कुमार साह प्रमुख अतिथी रहनुभएको थियो । भने कार्यक्रमको संचालन जनकपुर जेसिज बर्ष २०२१ का अध्यक्ष मनोज साहले गरेका थिए।
समापन समारोहलाई सम्बोधन गर्दै कार्यक्रममा बोल्दै मनोज साहले जनकपुर जेसिजको स्थापनाको कालदेखी विभिन्न बर्षहरुमा नेतृत्व गर्दै आउनु भएका नेतृत्व गर्ने व्यक्तित्वहरुको सम्झना गर्दै र कामको प्रशंशा गर्दै डिसेम्बरमा जनकपुरधाममा जनकपुर जेसिजको आतिथ्यमा हुन लागेको नेपाल जेसिजको ५२ औ राष्ट्रिय महाधिवेशनको सफलताको शुभकामना दिनु भएको थियो। साथै सो समयमा जनकपुरधाममा पार्टीगत र संस्थागत हिसाबले कुनै पनि विरोधको कार्यक्रम नगरिदिनु हुन सम्पुर्णमा आग्रह पनि गर्नु भएको थियो।
कार्यक्रममा स्लो बाईक रेस,स्कुल लेभल ओरेट्री कन्टेस्ट र स्कुल लेभल डान्स प्रतियोगिताका बिजेताहरुलाई शिल्ड र पुरस्कार राशि प्रदान गर्नका साथै कार्यक्रम भब्यताका साथ सम्पन्न गर्न सफल भएको भन्दै सबै संयोजकहरुलाई मायाको चिनो प्रदान गरिएको थियो । साथै कार्यक्रमको प्रमुख अतिथी जकपुरधाम उपमहानगरपालिकाको नगर प्रमुख मनोज साह र विशिष्ट अतिथि नगराईन नगरपालिकाको नगर प्रमुख विनय कुमार यादव लाई पनि मायाको चिनो प्रदान गरिएको थियो।
कार्यक्रममा जनकपुर जेसिजका अध्यक्ष मुकेश साहले ‘जेसिज सप्ताह’ सफलताका साथ सम्पन्न गराउन सहयोग गर्ने कार्यक्रम संयोजकलाई धन्यवाद दिए । जेसिज सदैब युवा र समाजका लागि काम गर्ने हुदा यो सप्ताह पनि समाजका लागि बिताएको उनले बताए । उनले सामाजिक कार्य संगै युवाहरुमा सकारात्मक सोचको विकास गरि सहि बाटो तर्फ अघि बढाउन जेसीजले सधै काम गरिरहने बताए । कार्यक्रममा नगराईन नगरपालिकाको नगर प्रमुख विनय कुमार यादव,जनकपुर जेसिज पुर्व अध्यक्ष तथा जनकपुरधाममा हुन लागेको नेपाल जेसिजको कनभेन्सनको कनभेन्सन डाइरेक्टर सुधीर पजियार लगायतले शुभकामना मन्तव्य राख्दै जनकपुरधाममा जनकपुर जेसिजको आतिथ्यमा हुन लागेको नेपाल जेसिजको ५२ औ राष्ट्रिय महाधिवेशनलाई भव्यताको साथ सफल बनाउन सहयोग गर्न आह्वान गर्नु भयो ।
जनकपुर जेसिजका अध्यक्ष मुकेश साहको अध्यक्षतामा सम्पन्न भएको समापन समारोहमा प्रमुख अतिथि जनकपुरधाम उपमहानगरपालिकाको नगर प्रमुख मनोज साह,विशिष्ट अतिथि नगराईन नगरपालिकाको नगर प्रमुख विनय कुमार यादव,जनकपुर जेसिज बर्ष २०२१ का अध्यक्ष मनोज साह,नेपाल जेसिजको ५२ औ राष्ट्रिय महाधिवेशनको कनभेन्सन डाइरेक्टर तथा जेसिज बर्ष २०१६ का अध्यक्ष सुधीर पजियार,जनकपुर जेसिज बर्ष २०२५ का अध्यक्ष जेसि मुकेश साह,पुर्व अध्यक्ष जेसि गौतम साह,जेसिज सप्ताह २०२५ का मुल संयोजक जेसि मनोहर ठाकुर,जेसि दिपक यादव,जेसि भवेश झा,जेसि अमरेन्द्र साह,जेसि ओम प्रकाश साह,जेसि सुबोध ठाकुर,जेसि राजेश कुमार ठाकुर लगायत जनकपुर जेसिजका पदाधिकारी जेसिजका पुर्वअध्यक्षहरु,जेसिजका सदस्यहरु,विभिन्न स्कुलका विद्यार्थी,शिक्षक,पत्रकार,नेता लगायत विभिन्न संघसंस्थाका प्रतिनिधिहरुको सहभागीता रहेको थियो ।
Discussion about this post