पिपल प्रोमोट सेन्टर धनुषाको १७ औं वार्षिक साधारण सभा तथा ६ औं अधिवेशन सम्पन्न

धनुषा/असोज ५ गते। पिपल प्रोमोट सेन्टर धनुषाको १७ औं वार्षिक साधारण सभा तथा ६ औं अधिवेशन अध्यक्ष कमलेश कुमार मण्डलको अध्यक्षतामा सम्पन्न भएको छ। अधिवेशनमा शिक्षा तथा संस्कृति मन्त्रालयका अधिकृत दिलिप मुखियाको प्रमुख आतिथ्यता रहेको थियो।

कार्यक्रमलाई सम्बोधन गर्दै प्रमुख अतिथि मुखियाले पिपल प्रोमोट सेन्टरले विगत १७ वर्षदेखि जिल्लामा सामाजिक रुपान्तरण, सचेतना र विकासका क्षेत्रमा पु¥याएको योगदानको प्रशंसा गरे। उनले नयाँ नेतृत्वले संस्थालाई अझ संगठित र प्रभावकारी बनाउनुपर्नेमा जोड दिएका थिए।

कार्यक्रममा एनजीओ फेडरेशनका केन्द्रिय सदस्य राम चन्द्र साह,युनिसेफ नेपालका मधेश प्रदेशको शिक्षा संयोजक इन्द्र प्रसाद गुप्ता,युनिसेफ नेपालका अशोक झा,पिपल प्रोमोट सेन्टरका सल्लाहकारहरु रत्नेश्वरलाल कायस्थ,पेक्षा मल्ल,श्यामसुन्दर शशि लगायत विभिन्न संघसंस्थाका प्रतिनिधि, सामाजिक अभियन्ता, स्थानीय अगुवा र सरोकारवालाको उल्लेख्य उपस्थिति रहेको थियो।

अधिवेशन अन्तर्गत सम्पन्न निर्वाचन प्रक्रियाबाट नयाँ कार्यसमिति सर्वसम्मत रूपमा चयन गरिएको छ। नव-निर्वाचित पदाधिकारीहरूमा अध्यक्ष कमलेश कुमार मण्डल,उपाध्यक्ष जगदशी ठाकुर,सचिव प्रमोद कुमार राउत,कोषाध्यक्ष सुनिता देवी साह,सहसचिव नेम्बर राई,सदस्य कविता कुमारी सादा,सदस्य रुकमिणी कुमारी साह,सदस्य उमेश कुमार राउत,सदस्य कौशल कुमार ठाकुर रहेका छन्।

नव-निर्वाचित अध्यक्ष कमलेश कुमार मण्डलले आफ्नो मन्तव्यमा संस्थाले सामाजिक विकास, शिक्षा, स्वास्थ्य, महिला सशक्तिकरण, वातावरण संरक्षणजस्ता क्षेत्रमा अझ सक्रियतापूर्वक काम गर्ने प्रतिवद्धता जनाए। उनले नयाँ कार्यसमितिले आगामी कार्यकालमा पारदर्शी, उत्तरदायी र सहभागी ढंगले कार्यक्रम सञ्चालन गर्ने बताएका छन्। सो अवसरमा अन्य वक्ताहरूले पनि पिपल प्रोमोट सेन्टरले स्थानीय तहमा समुदायमैत्री कार्यक्रममार्फत जनजीवनमा सकारात्मक परिवर्तन ल्याएको भन्दै नयाँ नेतृत्वलाई बधाई तथा शुभकामना व्यक्त गरेका थिए।