जनकपुरधाम/श्रावण ३१ गते। धनुषाको शहिदनगर नगरपालिका वार्ड – ०८ बिसरभोरा निवासी ५६ बर्षीय जोगेन्द्र दास तत्मा तथा ४६ बर्षीय भुल्ली देवी दासको छोरा १७ बर्षीय राजन दास राष्ट्रिय किशोर संजाल नेपालको केन्द्रिय कार्य समिति मनोनीत भएको छ ।
लैङ्गिक हिंसा अन्त गर्न तथा लैङ्गिक समानता कायम गर्न पुरुष सहभागीता जरुरी छ त्यसै उदेश्यका साथ २०७८ साल साउन १४ गते “बालबालिकामा लगानी : सुनिश्चित भविष्यको थालनी”मुल नारा तथा “बालबालिका राष्ट्रिय गौरव हुन ” भन्ने साथ स्थापना भएको हो ।
यो संजाल सिविन नेपालद्वारा संचालित संस्था हो । जसले किशोरको गुनासो तथा उसको मनमा खेलेका सकारात्मक तथा नकारात्मक पक्षलाई समेटेर बालबालिकाहरुको आवाज सरकार सम्म पुग्योस सिद्धान्तले यस किशोर संजालको निर्माण गरिएको हो ।
राष्ट्रिय किशोर संजाल ले किशोरकिशोरीहरूलाई विभिन्न मुद्दाहरूमा संलग्न गराउन विभिन्न कार्यशाला, प्रशिक्षण कार्यक्रम, अन्तरक्रियात्मक सत्रहरू र वकालत अभियानहरू सञ्चालन गरेको छ, जसमा समावेश छन्: – लैङ्गिक हिंसा। – जलवायु न्याय। – यौन तथा प्रजनन अधिकार। – अनलाइन सुरक्षा। सरकारी र गैरसरकारी संस्थाहरूसँगको सहकार्य मार्फत, सञ्जालले बाल तथा किशोरकिशोरी अधिकारसँग सम्बन्धित नीति, कानून र राष्ट्रिय योजनाहरूको अनुगमनमा महत्त्वपूर्ण भूमिका खेल्छ।
किशोर संजालमा हाल २३ केन्द्रीय समिति सदस्यहरू छन्। – देशभरका युवाहरूलाई आफ्ना चासोहरू व्यक्त गर्न, आफ्ना अधिकारहरूको वकालत गर्न र नीति र विकास एजेन्डाहरूमा राष्ट्रिय छलफलमा अर्थपूर्ण योगदान दिन प्लेटफर्म उपलब्ध गराउन नेपालका सातै प्रदेशहरूमा प्रादेशिक किशोर सञ्जालहरू स्थापना गरिएको छ। – सञ्जालले सीमान्तकृत र जोखिममा परेका किशोरकिशोरीहरूलाई समावेश गर्न प्राथमिकता दिन्छ, विशेष गरी दुर्गम र सेवाबाट वञ्चित क्षेत्रहरूमा । राष्ट्रिय किशोर संजाल नेपालको तेस्रो तीन दिने राष्ट्रिय भेला २०८२ ( साउन २६-२८) काठमाडौंंको गोदावरीमा समापन भएको छ ।
उक्त कार्यक्रममा राष्ट्रिय किशोर संजाल नेपालको अध्यक्ष युवराज चापागाईं , पुर्व अध्यक्ष घनश्याम विस्वकर्मा , विकास मामिला तथा सुशासन समिति राष्ट्रिय सभाकि सभापती माननीय कमला देवी पन्त , राष्ट्रिय मानव अधिकार आयोगका अध्यक्ष माननीय तप बहादुर मगर , राष्ट्रिय बाल अधिकार परिषदकी सदस्य सचिव ईन्द्रा देवी दकाल , मामिला बालबालिका तथा ज्येष्ठ नागरिक मन्त्रालयको उपसचिव दीपक दकाल , सेभ द चिल्ड्रेनकी प्रमुख तारा क्षेत्री , सिविन नेपालका अध्यक्ष माधव प्रधान , वरिष्ठ मानव अधिकारकर्मी गौरी प्रधान , सिविन नेपालका निरजना भट्ट तथा परेक्षा सिवाकोटी , साइबर ब्युरो भोटाहिटी काठमाडौंको प्रहरी नायब उपरीक्षक गजेन्द्र आचार्य तथा सिविन नेपालका मानसिक स्वास्थ सम्बन्धि चिकित्सक डा. जस्मिन मा साथसाथै प्रत्येक प्रदेशबाट किशोरकिशोरीहरुले प्रतिनिधित्व गरेर आएका थिए । किशोर संजाल सामाजिक अवरोधहरू तोड्न, समावेशी विकासको वकालत गर्न, र सामाजिक परिवर्तनमा सक्रिय रूपमा सहभागी हुन आवश्यक ज्ञान र उपकरणहरू प्रदान गरेर किशोरकिशोरीहरूलाई सशक्त बनाउन प्रतिबद्ध छ।
किशोरकिशोरीहरूलाई सशक्त, सूचित र आफ्नो भविष्य निर्माणमा सक्रिय रूपमा संलग्न हुने समाजको विकास गरेको किशोर संजालले नेपालका सबै किशोरकिशोरीहरूको उज्ज्वल भविष्य सुनिश्चित गर्ने दिशामा काम गर्दछ।
Discussion about this post