गिरिजानन्द साह/जेठ ३१ गते। जनकपुरधामस्थित कपडा तथा रेडिमेड व्यवसायी संघको प्रथम साधारण सभा भव्य रूपमा सम्पन्न भएको छ। जनकपुरधाम उद्योग वाणिज्य संघका अध्यक्ष सुरेन्द्र भण्डारीको प्रमुख आतिथ्यमा सम्पन्न सो कार्यक्रममा कपडा तथा रेडिमेड व्यवसायीहरूको उल्लेखनीय उपस्थिति रहेको थियो।
साधारण सभाले सर्वसम्मत रूपमा नयाँ कार्यसमिति चयन गरेको छ। संघको अध्यक्षमा सन्दीप साह चयन भएका छन्। त्यस्तै उपाध्यक्षमा सुनिल साह, सचिवमा बिट्टु चौधरी, सहसचिवमा देव मोहन साह (दिपक) र कोषाध्यक्षमा प्रमोद कुमार दास चयन भएका छन्।
नवगठित कार्यसमितिका सदस्यहरूमा संजिव साह (कुर्था), कामेश कुमार झा, राजीव कुमार साह, सन्तोष लाल दास, संजय कुमार साह, पशुपतिनाथ कापडी, राजेश लाल दास, जिवछ साह र गोविन्द पण्डित रहेका छन्।
साधारण सभामा वक्ताहरूले संघले स्थानीय व्यापारीहरूको हकहित संरक्षण, व्यावसायिक वातावरण सुधार तथा व्यापार व्यवसायमा देखा पर्ने समस्याहरू समाधान गर्न महत्वपूर्ण भूमिका खेल्ने विश्वास व्यक्त गरेका थिए। नव-निर्वाचित अध्यक्ष सन्दीप साहले सबै व्यापारीलाई समेटेर सहकार्य र समन्वयमा संघलाई अगाडि बढाउने प्रतिबद्धता जनाएका छन्।
Discussion about this post