माओवादीका धनुषा जिल्ला कमिटी सदस्य तथा पूर्व वडा अध्यक्ष सहित दर्जनौ नेताहरू एमालेमा प्रवेश
धनुषा/जेठ २१ गते। धनुषा जिल्लाका दर्जनौ नेताहरु माओवादी केन्द्र परित्याग नेकपा एमालेमा प्रवेश गरेका छन्। नेकपा एमाले धनुषा जिल्ला इन्चार्ज माननीय जुलि महतोको उपस्थितिमा आयोजित एक विशेष कार्यक्रममार्फत माओवादी केन्द्रका जिल्ला कमिटी सदस्य तथा पूर्व वडा अध्यक्ष, साथै वडा अध्यक्ष पदका प्रत्यासी गणेशमान चारनाथ नगरपालिका–२ निवासी रामचलित्र महतो एमाले प्रवेश गरेका हुन्।
रामचलित्र महतोसँगै माओवादी केन्द्रका दर्जनौं अगुवा नेताहरूले पनि पार्टी परित्याग गरी नेकपा एमालेमा सामेल भएका छन्।
पार्टी प्रवेश कार्यक्रममा बोल्दै माननीय महतोले जनताको सेवामा समर्पित र संगठनप्रति प्रतिबद्ध व्यक्तित्वहरूको आगमनले नेकपा एमाले अझ सशक्त बन्ने विश्वास व्यक्त गर्नुभयो। उहाँले नयाँ प्रवेशकर्ताहरूलाई स्वागत गर्दै पार्टीको नीतिगत स्पष्टता, स्थायित्व र जनमुखी कार्यक्रमहरूमा जनविश्वास बढिरहेको बताउनुभयो।
रामचलित्र महतोले परिवर्तन, विकास र स्थायित्वको पक्षमा रहेको एमालेमा प्रवेश गर्नु आफूमात्र नभई जनताको चाहनासँग मेल खाने निर्णय भएको बताए।
यो प्रवेशलाई आगामी निर्वाचनलाई लक्षित गर्दै नेकपा एमालेको सांगठानिक सुदृढीकरणको रुपमा हेरिएको छ।
Discussion about this post