गिरिजानन्द साह/जनकपुरधाम/जेठ १० गते। जनकपुरधाममा स्थापना भएको लियो क्लब अफ जनकपुरधाममाको ११ औं साधारणसभा सम्पन्न भएको छ। होटल लिटिल मोरमा सम्पन्न साधारणसभामा लायन्स क्लब अफ जनकपुरधाम गार्गीका नवनिर्वाचित अध्यक्ष सुजाता साहको प्रमुख आतिथ्यतामा सम्पन्न भएको हो।
उक्त कार्यक्रममा विशिष्ट अतिथी लियो कलब २०२४-२५ का उपाध्यक्ष लियो आकाश साह,लियो क्लब अफ जनकपुरधामका निवर्तमान अध्यक्ष विकाश साह,लायन्स क्लब अफ जनकपुरधाममा पुर्व अध्यक्ष ऋषिकेश प्रसाद साह,विध्याकर प्रसाद साह,वर्तमान अध्यक्ष सुशील सिंह,नव निर्वाचित अध्यक्ष राजेश साह,क्लबको सल्लाहकार डा. निर्माला जयसवाल तथा क्लबका सम्पूर्ण सदस्यहरूको उल्लेखनीय उपस्थिति रहेको थियो।
साधारणसभामा वर्ष २०२४–२५ आय व्यय विवरण प्रस्तुत गरिएको थियो । आय व्यय विवरण वर्ष २०२४–२५ को लियो क्लबका अध्यक्ष रितिक सिंहले प्रस्तुत गरेको थियो। क्लबको लियो वर्ष २०२४–२५ का अध्यक्ष रितिक कुशवाहाको अध्यक्षतामा सम्पन्न कार्यक्रममा लायन्स क्लब अफ जनकपुरधाम गार्गीका अध्यक्ष आशा साह, नवनिर्वाचित अध्यक्ष सुजाता साह तथा लायन्स क्लब अफ जनकपुरधामका नवनिर्वाचित अध्यक्ष डा. राजेश साहले क्लबको प्रगतिप्रति खुसी व्यक्त गर्दै आगामी दिनहरूमा अझ प्रभावकारी ढंगले सामाजिक कार्यहरूमा योगदान पुर्याउने प्रतिबद्धता जनाएका थिए।
कार्यक्रमले लियो क्लबको सामाजिक र सेवामूलक गतिविधिहरूलाई सुदृढ बनाउने प्रतिबद्धता व्यक्त गर्दै सफल समापन भएको थियो।
Discussion about this post