गिरिजानन्द साह/जनकपुरधाम/फागुन २९ गते। टुर गाईड एशोसिएसन मधेश प्रदेशको आयोजनामा बिहीबार भव्य होली मिलन समारोह सम्पन्न भएको छ। मधेश प्रदेशको अध्यक्ष विक्रम साहको अध्यक्षता तथा प्रमुख अतिथि सुदर्शन लाल कर्णको उपस्थितिमा कार्यक्रम सम्पन्न भएको हो।
होली मिलन समारोहमा टुर गाईड एशोसिएसन मधेश प्रदेशका पदाधिकारीहरू, सदस्यहरू तथा विभिन्न प्रतिष्ठित व्यक्तित्वहरूको उपस्थितिले कार्यक्रमलाई अझ उल्लासमय बनाएको थियो। कार्यक्रममा सहभागीहरूले एकअर्कालाई अबिर लगाएर आत्मीयता साटासाट गरे। होलीको पारम्परिक र सांस्कृतिक महत्व झल्काउँदै रंगहरूको माध्यमबाट उपस्थित सबैले उत्साह व्यक्त गरेका थिए।
कार्यक्रमको सञ्चालन टुर गाईड एशोसिएसन मधेश प्रदेशका बरिष्ठ उपाध्यक्ष राम भगत यादवले गरेका थिए। समारोहका क्रममा विभिन्न सांस्कृतिक प्रस्तुतिहरू, शुभकामना आदान-प्रदान तथा आपसी सद्भाव अभिव्यक्त गरियो। कार्यक्रमले समाजमा एकता, मेलमिलाप र सौहार्दता बढाउने उद्देश्य राखेको थियो। होली पर्व हिन्दू संस्कृतिको महत्वपूर्ण चाडमध्ये एक भएको र यसले मानिसहरूबीच आपसी प्रेम, सद्भाव र मित्रता कायम गर्न महत्वपूर्ण भूमिका खेल्ने कुरा वक्ताहरूले बताएका थिए।
कार्यक्रमका विशेष अतिथिहरुमा न्यू भीजनका अध्यक्ष अम्भु प्रसाद साह, SOTTO Nepal का अध्यक्ष वीरेन्द्र साह, वार्ड नं. १ का पूर्व वार्ड अध्यक्ष सत्रुधन प्रसाद साह, PPC का अध्यक्ष कमलेश मण्डल, पूर्व वार्ड सदस्य निरञ्जन यादव, समाजसेवी दिलीप थापा, सन्तोष थापा मगर, शैलेन्द्र यादव, शैलेन्द्र साह, लक्ष्मण यादव, मो. जकिर सेख तथा पत्रकारहरू गिरिजनन्द साह र ओम प्रकाश साह लगायतको गरिमामय उपस्थिति रहेको थियो।
टुर गाईड एशोसिएसन मधेश प्रदेशका अध्यक्ष विक्रम साह, बरिष्ठ उपाध्यक्ष राम भगत यादव, उपाध्यक्ष सरोज झा, महासचिव मोनु गुप्ता, सचिव विकास साह, कोषाध्यक्ष राज कुमार ठाकुर, सदस्यहरू रुक्मिणी साह, राम नारायण महतो, आरती कुमारी महरा, रोहित यादव लगायतका पदाधिकारीहरूको सक्रिय सहभागिता रहेको थियो।
समारोहको समापनमा प्रमुख अतिथि तथा अन्य अतिथिहरूले होलीको सन्देश सुनाउँदै आगामी दिनहरूमा समेत यस्ता कार्यक्रमहरू आयोजना गरिनुपर्नेमा जोड दिएका थिए। कार्यक्रमको सफल आयोजनामा टुर गाईड एशोसिएसन मधेश प्रदेशका सम्पूर्ण सदस्य तथा पदाधिकारीहरूको विशेष योगदान रहेको थियो।
Discussion about this post