आज शनिबार भगवान शनिदेवको पूजा कसरी गर्ने ? यस्तो छ पूजा गर्ने तरिका

आज शनिबार, आजको दिन भगवान शनिदेवको पुजा गर्नु उत्तम मानिन्छ । कसैलाई पनि शनिदेवको दृष्टि नपरोस् भन्ने उदेश्यले आजको दिन शनिदेवको पुजा गरिन्छ ।

यस दिन व्रतालुहरूले विशेषगरि कालो रङको वस्त्र लगाउनु अनिवार्य हुन्छ । भने रात्रीभोजनमा नुन नमिसाई खानुपर्ने भक्तालुहरूको विश्वास रहेको छ । यसो गर्दा ग्रहमा भएको शनिदोष हटेर जान्छ भन्ने धार्मिक विश्वास छ ।

शनिबार गर्नुहोस् यो काम

शनिबार बिहान नुहाएर मन्दिरमा गएर तामाको भाँडोमा पानी र सिन्दुर मिसाएर हनुमानलाई अर्पण गर्नुहोस् । यसपछि उनीहरूलाई गुड़, चना र केरा चढाउनुहोस्। हनुमान जीको अगाडि तोरीको तेलको दियो बाल्नुहोस् र श्री हनुमन्ते नमः मन्त्रको जप गर्नुहोस्। यसपछि हनुमान चालिसाको पाठ गर्नुहोस्। यसो गर्नाले भगवान हनुमान र शनिदेव दुबैको आशीर्वाद प्राप्त हुन्छ।

शनिबार शनि मन्दिरमा जानुहोस् र उहाँलाई आकको फूल चढाउनुहोस्। आक फूल शनिदेवलाई धेरै मनपर्छ। शनिबारको दिन यो फूल शनिदेवलाई अर्पण गर्नाले शनिको धैय्या र सदेश्तीबाट मुक्ति मिल्ने विश्वास छ । यी फूल चढाउँदा शनिदेवको आशीर्वाद मिल्छ र सबै अशुभ कामहरू समाप्त हुन थाल्छन्। शनिबारको दिन शनिदेवलाई मनपर्ने वस्तु चढाउनु शुभ मानिन्छ।

शनिबार हनुमान मन्दिरमा गएर सुन्दरकाण्डको पाठ गर्नाले हनुमान र शनिदेवको विशेष आशीर्वाद प्राप्त हुन्छ । यसो गर्दा हरेक समस्याको समाधान हुन्छ ।
यदि तपाईको कुनै काम लामो समयदेखि रोकिएको छ भने प्रत्येक शनिबार साँझ हनुमानजीको मन्दिरमा जानुहोस् र बजरंगबलीलाई चमेलीको तेल र सिंदूरले अभिषेक गर्नुहोस्। छिट्टै तपाईको बाँकी रहेको काम पूरा हुनेछ।

नजिकैको मन्दिरमा गएर शनिदेवको पूजा गर्नु उपयुक्त हुन्छ । पूजा गर्दा उनीहरुको अगाडि बत्ती बाल्नु हुँदैन । बरु पीपलको रुखमुनि दीप प्रज्वलन गर्दा शनिदेव प्रसन्न हुन्छन् ।

शनिबारको व्रत किन बसिन्छ ?

शनिबारको व्रत शनि ग्रहको अनिष्ट फलको परिशमन गर्न, शान्तिकामनका निम्ति तथा जीर्ण रोग, शत्रुभय, आर्थिक संकट एवं मानसिक सन्तापको निवारणका लागि लिइन्छ। धनधान्य वृद्धि एवं व्यापार वृद्धिको उद्देश्यले पनि यो व्रतको पालना गरिन्छ।

यो व्रत शूक्ल पक्षको जुनसुकै शनिबारबाट प्रारम्भ गर्न सकिन्छ। अझ श्रावण महिनाको शुक्ल पक्षको पहिलो शनिबारबाट सुरु गरेमा अझ राम्रो हुने विश्वाश छ। फलामबाट निर्मित शनि प्रतिमालाई पञ्चामृतले स्नान गराई घाम, अक्षता, फलफूल आदिले पूजा गरी ‘ॐ शनैश्चराय नमः’ यो मन्त्र ३ माला जप्ने गर्नुपर्छ। व्रतको दिन नीलो वस्त्र धारण गर्ने चलन छ।

एउटा भाँडामा शुद्ध पानीमा कालो तिल, ल्वाङ र दूध मिसाई पीपलको बोटमा पूर्व फर्केर उक्त मिश्रित जल (पानी) चढाउनु पर्दछ। त्यसपछि भगवान भोलेनाथ महादेवको उपासना गर्नुपर्दछ।

यो व्रत जम्मा १९ वटा शनिबारसम्म लिने मान्यता छ। अन्तिम दिन कालो मास, तिल, फलामका सामान आदि काला पदार्थहरू दान गर्नुपर्छ। ब्राह्मण भोजन गराई तथा वस्त्र, दक्षिणा आदि प्रदान गरी ब्राह्मणलाई प्रसन्न तुल्याउनु पर्दछ ।