फागुन ३ गते। दुईवटा मोटरसाईकल एक आपसमा ठोक्किँदा एकजना काे मृत्युको छ ।
सर्लाही काे मलंगवा मलंगवा नगरपालिका–११ गम्हरियामा भारतीय नम्बरको दुईवटा मोटरसाइकल एकआपसमा ठोक्किँदा एक किशोरको ज्यान गएको छ भने दुई किशोर गम्भीर घाइते भएका छन् । तीव्र गतिमा रहेका बीआर ३० डी ३५१८ र बीआर ०६ बीपी ४१७२ नम्बरको मोटरसाइकल एक आपसमा ठोक्किँदा मलंगवा नगरपालिका–११ गम्हरियाका १५ वर्षीय विकास रायको मृत्यु भएको छ ।सोही ठाउँका १६ वर्षीय निरज पटेल र १७ वर्षीय रोशन पासवान गम्भीर घाइते भएका छन् । दुर्घटनामा उनीहरु दुवैलाई वीरगन्ज रेफर गरिएको छ ।
विकास रायको शव पोष्टमार्टमका लागि प्रादेशिक अस्पताल मलंगवामा पठाएको जिल्ला प्रहरी कार्यालयले जनाएको छ । दुर्घटनामा परेका मोटरसाइकल प्रहरी नियन्त्रणमा रहेको छ ।
Discussion about this post