काठमाडौं/श्रावण ५ गते । काठमाडौं जिल्ला अदालतले ५० लाख रुपैयाँ दाइजो मागेको भन्दै मण्डपबाटै पक्राउ परेका बेहुला अनुराग रौनियारलाई एक लाख रुपैयाँ धरौटीमा छाड्न आदेश दिएको छ ।
न्यायाधीश केशवप्रसाद घिमिरेको इजलासले उक्त आदेश गरेको हो । सुनसरी दुहबी नगरपालिका वडा नम्बर ६ स्थायी घर भई काठमाडौंको ताहाचल बस्ने ३२ वर्षीय रौनियारलाई काठमाडौंको नक्सालबाट प्रहरीले असार १२ गते पक्राउ गरेको थियो ।
उनले नक्सालस्थित लिसरा रिसेप्सन पार्टी प्यालेसमा विवाह हुँदै गर्दा बेहुला पक्षले थप पचास लाख रुपैयाँ दाइजो नदिए विवाह रद्द गर्ने धम्की दिएका थिए । साथै, बेहुलीलाई हातपात र गाली बेइज्जती गरेका थिए ।
अदालतले प्रतिवादी बनाइएका बेहुलाका भाई आकाशलाई ५० हजार रुपैयाँ धरौटीमा छाड्न आदेश गरेको छ । बेहुलाकी ६५ वर्षीया आमालाई पनि प्रतिवादी बनाइएको थियो । तर, उनी भने पक्राउ पर्न सकेकी थिइनन् ।
Discussion about this post