जनकपुरधाम/असार १६ गते । धनुषाको एक पालिकाले पोखरीमा निर्माण गरिरहेको पर्खाल निर्माण सम्न्न नहुदै भत्किएको छ । जिल्लाको जनकनन्दिनी गाउँपालिका वडा नं. ४ मा निर्माणाधीन पोखरीको पर्खाल निर्माण सम्पन्न नहुदै भत्किएको हो ।
जनकनन्दिनी गाउँपालिकाले उपाध्यक्ष कमला सहगललाई दिएको योजनाको ठेक्का उपाध्यक्ष सहगलले आफ्नो भतिजा नीरज सहगललाई दिएका थिए ।
जनकनन्दिनी गाउँपालिका वडा नं. ४ खजुरीमा गाउँपालिका उपाध्यक्षको भतिजा सहगलले ठेक्का पाएको पोखरीको पर्खाल निर्माण सम्पन्न नहुदै भत्किएपछि चौतर्फी आलोचना हुन थालेको छ । खजुरी बजारको पश्चिम पट्टी रहेको पोखरीको पर्खाल निर्माण कार्यका लागि १० लाख रुपैयाँ बजेट रहेपनि निर्माण कार्यमा कमसल सामग्री प्रयोग भएको स्थानीयहरुको गुनासो रहेको छ ।
यसअघि पनि उपाध्यक्ष सहगलले गाउँपालिकामा आफ्नो बुहारी सुदिक्षा सहगल तथा प्रमुख प्रशासकी अधिकृत अयोधी दासले आफ्नो बुहारी नितु कुमारी गुर्मछानलाई अनमी चौथो तहमा जागिर लगाएपछि चौतर्फी विरोध भएको थियो । स्रोत-राजधानी जनकपुर बाट
Discussion about this post