जनकपुरधाममा दाइजोको कारण श्रीमतीलाई आगो लगाएर ह त्याको प्रयास गर्ने श्रीमान प क्राउ

 जनकपुरधाम/बैशाख ९ गते । धनुषामा दाइजोका कारण श्रीमतीलाई आगो लगाएर हत्याको प्रयास गर्ने श्रीमान प क्राउ परेका छन् ।

जनकपुरधाम उपमहानगरपालिका–२० देवपुरा रुपैठाका ३० वर्षीय राजीव झालाई शनिबार धनुषा प्रहरीले पक्राउ गरेको हो । प्रहरीले उनलाई आफ्नै घरबाट प क्राउ गरिएको जिल्ला प्रहरी कार्यालयका डिएसपी वेदप्रकाश गौतमले जानकारी दिए । 

वैशाख १ गते दिउँसै मदिरा सेवन गरेर झाले ९ वर्षीय छोरा शिवमलाई कु टपिट गरेका थिए । श्रीमती श्वेता झाले छोरालाई कु टपिट गरेपछि बचाउने प्रयास गरिन् । सोही क्रममा झाले आमा र भाइको सहयोगमा श्वेताको शरीरमा आगो लगाइदिएका थिए । 

प्रहरीका अनुसार शुक्रबार स्वेताको माइतीपक्षले श्रीमान्‌सहित देवर, सासू र ससुराविरुद्ध जिल्ला प्रहरी कार्यालय धनुषामा ज्यान मार्ने उद्योगमा उजुरी दिएपछि प्रहरीले पीडितका श्रीमान राजीवलाई प क्राउ गरेको छ । श्वेताको हाल जनकपुरधामस्थित प्रादेशिक अस्पतालमा उपचार भइरहेको छ ।  विवाहको १० वर्ष बितिसक्दा पनि राजिवले तीन तोला सुन अहिलेसम्म नल्याएको भन्दै विगतदेखि नै यातना दिँदै आएको श्वेताको आरोप छ।