सप्तरीको बोदे बर्साइन नगरपालिका वडा नम्बर ४ र ७ मा सिडियो गौतमले गरे सुपरिवेक्षकको काज अनुगमन

उमेश कुमार साह/सप्तरी/असोज७ गते।सप्तरीका प्रमुख जिल्ला अधिकारी नेतृत्वमा राष्ट्रिय जनगणना २०७८ को पहिलो चरणको महाअभियान सफल पार्न अनुगमन थालेका छ्न।

जिल्ला जनगणना समन्वय समितीको संयोजक समेत रहेका सिडियो जनार्दन गौतमको नेतृत्वमा जिल्ला अवस्थित बोदे बर्साइन नगरपालिकाको दुइटा वडाहरुमा सुपरिवेक्षकहरुका काज अनुगमन थालेका हुन।

सो क्रममा आज बिहिवार सो नगरको ४ न.वडा अवस्थित सिलहट प्रसाही टोल र ७ न.वडाको बगबिरा स्थित राम टोलमा सुपरिवेक्षकहरुले गरिरहेको सूचीकरण सम्बन्धित काजको अनुगमन गरेको छ।

दुई चरणको कार्यक्रम अनुसार प्रथम चरणमा घर तथा घरपरिवार सूचीकरण कार्य अन्तर्गत सुपरिवेक्षकहरु प्रत्येक घरमा पुगि घरको विवरण,परिवारको सदस्य सङ्ख्या,कृषि तथ्यांक संग सम्बन्धित विवरणहरु संकलन गरिन्छ ।यस महाअभियानका लागि स्थानीय तहकै स्थानीय युवा जनशक्तिहरु परिचालन हुनेगरी अन्लाईन माध्यमबाट दरखास्त संकलन गरि केन्द्रिय तथ्यांक विभागबाट प्राप्त सर्टलिष्टबाट मेरिट्क्रमका आधारमा करार कर्मचारी भर्नागरी आवश्यक जनशक्तिको व्यवस्थापन गरेको छ।यसका लागि सप्तरीमा १ एक सय ६९ जना सुपरिवेक्षक र ६ सय ८० जना गणकहरु परिचालन हुनेछ ।

राष्ट्रिय जनगणना २०७८ का सम्पूर्ण कार्यक्रमहरु नेपाल सरकार ,मन्त्रीपरिषदको २०७८ भाद्र २१ गतेको निर्णय अनुसार पुनः सुचारु भएको छ।कोभिड-१९ को दोस्रो लहरको बढ्दौ प्रकोपका कारण २०७८ वैशाख २१ देखी जनगणनाका सम्पुर्ण गतिविधिहरु स्थगित भएका थिए ।

जिल्ला जनगणना समन्वय समितीसप्तरीको संयोजक जनार्दन गौतम, सदस्य जिल्ला जनगणना अधिकारी संजय कुमार चौधरी , जिल्ला प्रहरी कार्यालयको प्रहरी उपरीक्षक राजेन्द्र प्रसाद धमला,शिक्षा बिकास तथा समन्वय इकाईका प्राविधिक सहायक बिजय कुमार यादव र स्थानीय जनगणना अधिकारी रामसुदिष्ट पंडितको सहभागिता रहेको थियो ।