विद्युत प्राधिकरणको तामाको तार चोरी गर्ने एकजना ढल्केवरबाट प्रहरीको नियन्त्रणमा

ढल्केवर/भदौ ५ गते ।नेपाल विद्युत प्राधिकरणको तामाको तार चोरीमा संलग्न एकजनालाई प्रहरीले प क्रा उ गरेको छ ।

धनुषाको मिथिला नगरपालिका वडा नं ७ ढल्केवरस्थित रहेको नेपाल विद्युत प्राधिकरण प्रसारण निर्देशनालयबाट चो री भएको २ सय ८६ केजी नांगो तामाको तारसहित प्रहरीले एकजनालाई प क्रा उ गरेको हो ।

पक्राउ पर्नेमा महोत्तरीको बर्दिवास नगरपालिका–१२ घर भई हाल मिथिला नगरपालिका–७ बस्ने ३७ बर्षिय नथु भनिने मनिराज परियार रहेको इलाका प्रहरी कार्यालय ढल्केवरका प्रहरी निरिक्षक प्रदीप सुवेदीले जानकारी दिए ।

गएराति साढे १ बजेको समयमा ढल्केवरस्थित रहेको नेपाल विधुत प्राधिकरण प्रसारण निर्देशनालयको कार्यालय अगाडी हातमा ह्याक्सो ब्लेड लिएर शंकास्पद रुपमा हिडिरहेको अवस्थामा परियारलाई प्रहरीले नियन्त्रणमा लिएको थियो ।

प्रारम्भिक अनुसन्धानबाट परियारसँगै अन्य १२ जना समेत गरी तामाको तार चोरी गर्न हिडेको पाइएको प्रहरी निरिक्षक सुवेदीले जनाए । अन्य १२ जना भने फरार भएका छन् ।

सुवेदीका अनुसार उनीहरुले पटक पटक गरी विद्युत प्राधिकरणबाट २ सय ८६ केजी हालको मुल्य ३ लाख बराबरको नांगो तामाको तार चोरी गरी ढल्केवरस्थित एमके मेटल स्टोरमा विक्री गरेको खुलेकोमा पसलको खानतलासी गर्दा चो री को सम्पूर्ण तार बरामद भएको हो ।

प्रहरीले तार बरामद भएको एमके मेटल स्टोरका सञ्चालक धनुषाको मिथिला नगरपालिका वडा नं ६ बस्ने ६९ बर्षीय नन्दकिशोर ताम्राकारलाई समेत प क्रा उ गरेको छ ।

चो री मा संलग्न अन्य व्यक्तिहरुको खोजी कार्य भईरहेको इलाका प्रहरी कार्यालय ढल्केवरले जनाएको छ ।साभार-द पब्लिक टुडे बाट