राजविराज/भदौ २ गते।जीता नदीको पश्चिम तटबन्ध भत्किदा सप्तरीको तिलाठी कोईलाडी गाउँपालिका आधा दर्जन बस्ती जलमग्न भएका छन ।
दुई/तिन दिनदेखि लगातार पानी परेपछि आएको बाढीले तिलाठी कोईलाडी गाउँपालिको वडा नम्बर ५ का खंग टोल, सरदार टोल, राम टोलासहित करिब १ सय ५० भन्दा बढी घर डुवानमा परेको जनाइएको छ ।
तटबन्ध भत्किदा जीता खोलाको पानी बस्तीतर्फ सोझिएपछि बस्तीको बीच भागबाट पानीको बहाव बग्न थालेको छ । बाढीपीडित प्रमेश्वर सरदारले चारै तर्फ घरलाई बाढीले छेकेको कारण घरबाहिर कतै जान पनि समस्या भइरहेको बताउनुभयो ।
एक्कसी पानीको भेल उर्लेर गाउँतर्फ आएपछि घर छोडेर भागा भाग भएको सरदारको भनाई छ । बाढी बस्तीमा आएसँगै सर्पको बिगबिगी समेत बढेको पीडितहरुले बताएका छन ।पानी घरमा छिरेकाले सर्पहरु घर भित्र बाढीमा आउन थालेको स्थानिय श्याम दासले बताउनुभयो ।
जीता नदीको बाढीले १ सय ५० घर डुवानमा परेपछि बाढीपीडितहरु हाल गाउँका उच्च स्थानको खोजी गरि बसेका छन ।
बाढीले पु¥याएको क्षतिको विवरण संकलन भईरहेको बताउदै मानवीय क्षति भने नभएको गाउँपालिकाका बिपद् ब्यबस्थापन शाखा प्रमुख राजेश कुमार झाले बताउनुभयो ।
बाँध भत्किएर बाढी बस्ती तर्फ छिरेपछि गाउँपालिका अध्यक्ष सतिश कुमार सिंह नेतृत्वको टोली प्रभावित बस्ती पुगेर जानकारी लिनुभएको छ ।अध्यक्ष सिंहले बाढीप्रभावितहरुको ब्यबस्थापन, राहत, उद्धारको कार्य तत्काल शुरु गरिएको बताउनुभयो ।
बाढीले आधा दर्जन घरहरु भत्किएर पूर्ण रुपले क्षति भएको छ भने अन्य घरहरुमा पनि कटान शुरु गरेकोले पीडितहरुले बताएका छन ।
बाढीले एक्कसी धार परिवर्तन गर्दा गाउँपालिकाका सयौं बिघा धानबालीमा समेत क्षति पुगेको स्थानीयबासीले बताएका छन ।
बस्ती नै डुवान भएपछि पानीको श्रोत ट्युबवेल, ईनार डुबेकाले खानेपानीको चरम अभाव भएको पीडितहरुको भनाई छ ।
Discussion about this post