काठमाडौ/श्रावण २२ गते।त्रिभुवन अन्तर्राष्ट्रिय विमानस्थलबाट ४ सय ७४ ग्राम सुनसहित प्रहरीले दुई जनालाई प क्रा उ गरेको छ ।
विमानस्थल प्रहरी कार्यालयका प्रहरी वरिष्ठ उपरीक्षक एसएसपी राजेशनाथ बाँस्तोलाका अनुसार प क्रा उ पर्नेमा धनगढीमाई नगरपालिका– ८ का २४ वर्षीय रिसब महतो र खोटाङ दिक्तेल रुपाकोट मझुवागढी नगरपालिका–१३ का ४१ वर्षीय अम्बर चाम्लिङ रहेका छन् ।
साउदीबाट जजिरा एयरलाइन्सको उडानबाट काठमाडौं आएका यात्रुहरुबाट सुनका गहना संकलन गर्दै गरेको अवस्थामा रिसब प क्रा उ परेको एसएसपी बाँस्तोलाले बताउनुभयो । उनको साथबाट ८ वटा सुनको बाला र दुई वटा औंठी गरी जम्मा ४ सय ७४ ग्रामको सुन बरामद भएको हो ।
प्रहरीका अनुसार सो सुन आजको बजार मूल्य अनुसार ३७ लाख ३८ हजार ६७५ रुपैयाँ बराबरको हो । रिसबसँगको सोधपुछपछि प्रहरीले काठमाडौंको तिलगंगास्थित खोटाङ हलेसी गेष्ट हाउसका संचालक अम्बरलाई प क्रा उ गरेको हो । प्रहरीका अनुसार सुनको तस्करीमा अम्बरको पनि संलग्नता छ ।
बैदेशिक रोजगारीका लागि विदेशमा गएका नेपाली कामदारलाई प्रयोग गरेर सानो मात्रमा सुनको तस्करी गदै आएका छन् ।
सबैलाई एउटा–एउटा लगाएर पठाए। त्यही सुन संकलन गर्न उनीहरू बाहिर बसेको देखियो, बाँस्तोलाले भने, ‘संकलन गर्न सकिसकेपछि हामीले समातेका हौं।’
Discussion about this post