उमेश कुमार साह/राजबिराज/साउन २१ गते। सप्तरीको बोदेबर्साई नगरपालिका वडा नम्बर ९ सुभरनपट्टीमा सशस्त्र प्रहरी बल बोर्डर आउट पोष्ट आफ्नै भवनमा संचालनमा आएको छ । बोदेबर्साईन नगरपालिकाको सहयोगमा नवनिर्मित भवनको बिहिवार एक समारोहका बिच उद्वघाटन गरिएको हो।
भवनको बोदेबर्साईन नगरपालिकाका प्रमुख आतेश सिंहले उद्वघाटन गरे । बोदेबर्साईन नगरपालिका वडा नम्बर ९ का वडा अध्यक्ष तस्सी यादवको अध्यक्षतामा आयोजित कार्यक्रम बोल्दै नगर प्रमुख सिंहले सशस्त्र प्रहरीको भवन उद्वघाटन गर्नु पाउदा खुशी महुसुस भएको बताए ।
नगरको शान्तीसुरक्षा कायम राख्न सशस्त्र प्रहरीले पुर्याएको योगदानको चर्चा गर्दै कार्यक्रमको प्रमुख अतिथी समेत रहेको नगरप्रमुख सिंहले भवन निर्माणले शान्ति सुरक्षाका लागि थप सहज भएको बताए ।
कार्यक्रममा सशस्त्र प्रहरी सप्तरीका प्रमुख राजु श्रेष्ठ, ईलाका प्रहरी कार्यालय बोदेबर्साईनका ईन्चार्ज जय प्रकाश साह , पत्रकार उमेश कुमार साह लगायतका स्थानीय जनप्रतिनिधि र बुद्धिजीवीहरुको उपस्थिति रहेको थियो ।
सशस्त्र प्रहरी बल नेपाल बोर्डर आउट पोष्टको स्थापना गरि कार्यसम्पादन हुँदै आएको र बोदेबर्सान नगरपालिकाको आर्थिक सहयोगमा भवन निर्माणका लागि १३ कठ्ठा जग्गा समेत उपलब्ध गराएको आउट पोष्ट सुभरनपट्टीका ईन्चार्ज सशस्त्र प्रहरी निरीक्षक उत्सव बिष्टले जानकारी दिए ।
Discussion about this post