कियारा आडवाणी ‘शेर शाह’का कारण चर्चामा,अभिनेत्री बन्नु पहिला यस्तो काम गर्थिन कियारा

एजेन्सी।कियारा आडवाणी बलिउडकी स्टाइलिस अभिनेत्रीमा गनिन्छिन् ।  ‘कबीर सिंह’फिल्मबाट बलिउडमा प्रवेश गरेकी कियाराले केही हिट फिल्ममा काम समेत गरेकी छिन् । उनले पहिलो फिल्म ‘कबिर सिंह’बाट नै चर्चा कमाएकी थिइन् ।

उनी अहिले चलचित्र ‘शेर शाह’का कारण चर्चामा छिन् । यस चलचित्रमा उनको सुन्दरता र प्रेमी सिद्धार्थ मल्होत्रासँगको अनस्क्रिन केमेस्ट्रीका कारण पनि सबैको ध्यान तान्न सफल भएकी छन् । यो फिल्म कारगिलको युद्धका सिपाही शहीद विक्रम बन्नाको जीवनमा आधारित छ । सिद्धार्थले विक्रम बन्नाको भुमिका निभाएका छन् । उनले पनि यो चलचित्रलाई निकै प्रतिक्षा गरिरहेकी छन् ।

फिल्म क्षेत्रमा प्रवेश गर्नुपुर्व उनी प्ले स्कुलमा बच्चाहरुलाई सम्हाल्ने काम गर्थिन् । कियारा आफैले एक अन्तर्वाताको क्रममा यस्तो खुलाशा गरेकी हुन् । उनले आफ्नी आमाको प्री–स्कुलमा काम गर्ने बताएकी छिन् । उनी बिहान ७ बजे स्कुल पुगेर बालबालिकालाई हेरविचार गर्न पुग्थिन् । उनले बच्चाहरुलाई नर्सरीको कविता सुनाउने, अल्फाबेट्स सिकाउने गरेको बताएकी छिन् ।

कियारा पछिल्लो समय चलचित्रसँग सम्बन्धित विभिन्न सामग्री सामाजिक सञ्जालमा पनि सेयर गर्दै आइरहेकी छन् । उनले फिल्मका विभिन्न सामग्रीसँगै आफ्नो फेसनेवल तस्बिर पनि सामाजिक सञ्जालमा सेयर गरिरहेकी छन् ।

पछिल्लो समय उनले लगाएको दुई लाख १७ हजारको गाउनले चर्चा पनि निकै भइरहेको छ । यस सेतो रंगको पहिरनमा उनी निकै सुन्दर देखिएकी छन् । उनको सुन्दरता सामाजिक सञ्जालमा पनि चर्चाको विषय बनिरहेको भारतीय सञ्चार माध्यमले जनाएका छन् ।