सप्तरीको बोदे बर्साईन नपाको स्वास्थ शाखाको पहलमा नगर भित्रका औसधि पसलहरुको अनुगमन

उमेश कुमार साह/सप्तरी/जेठ ३१ गते।सप्तरीको बोदे बर्साईन नगरपालिका स्वास्थ्य शाखा द्ववरा नगर क्षेत्र भित्रका निजी ब्यवसायका रूपमा संचालनमा रहेका पोलिक्लिनिक , नर्सिङ होम,आाैषधी पसल लगायतको अनुगमन गरेकाछन् ।

बोदे बर्साईन नगरपालिका स्वास्थ्य शाखा संयोजक बैजनाथ साहको नेतृत्वमा भएको अनुगमन टोलिमा सह स्वास्थ्य संयोजक अजय नेपाल , मेडिकल अधिकृत अरविन्द्र यादव,स्वास्थ्य चाैकी बोदे बर्साईन प्रमुख एयुव राईन, संतोष शर्मा ,सशस्त्र प्रहरी निरीक्षक उत्सव विष्ट,ईलाका प्रहरी बोदे बर्साईन प्रहरी सहायक निरीक्षक प्रमेश्वर पासमान, पत्रकार लोकेन्द्र प्रसाद यादव ,उमेश कुमार साह लगायतको संयुक्त टोलीले अनुगमन गरेकाछन् ।

अनुगमनका क्रममा म्याद सकिएका, विभागमा दर्ता नभएका , चिकित्सक प्रमाण बिना बिक्री गर्न नपाईने औषधीहरू फेला परेकाछन् भने विक्रेता संग डिफर्माको लाइसेन्स समेत नरहेको पाएकाछन् । । बोदे बर्साईन नगरपालिका – ७ मा संचालनमा रहेको निरज मेडिको हल र रंजित मेडिको हलले चिकित्सकको सिफारिस बिना औक्सी टोक्सी ,डोलोपार,कटोलिन,अटोसिन,डेका – डयूराबोलिन ५० ,एपिडोसिन, लगायतका बैण्ड आइटम तथा चिकित्सकको सल्लाह सुझाव सिफारिस बिना विक्रीवितरण ल्याउन नहुने औषधीहरू प्रयोग गरिरहेका पाएकोछ ।

बोदे बर्साईन नगरपालिका वडा नम्बर – ४ प्रसाहीमा घरमा लुकाई छिपाई औषधी बेचिरहेका रामकृपल राउतको पसलमा गर्भपतनमा प्रयोग हुने मिसोप्रिल कीट, तथा अन्य डीडी- ५० (नाडरोलीन डिकोनेट इन्जेक्सन ),डोलोपार, औषधी जन स्वास्थ्यमा प्रत्यक्ष असर पर्ने औषधी प्रयोग गरि रहेकोले तत्काल तल्चा लगाएकाछन् ।

बोदे बर्साईन नगरपालिका वडा नम्बर – ५ रहेका लाईफ केयर पोलिक्लिनिक मापदण्ड पूरा नगरी संचालनमा रहेको पाएकोमा संचालकलाई एक हप्ता भित्र मापदण्डअनुसार संचालनमा ल्याउन निर्देशन दिएकोछ । भने नयाँ संचालनमा अनुमति मांग गरेका नइमा हेल्थ केयर डाइग्नोष्टिक सेन्टर प्रा.ली ले लाई मपदण्ड पुरा गरेमा मात्र अनुमति दिने स्वास्थ्य संयोजक बैजनाथ साहले बताए ।

स्वास्थ्य शाखाले नगर क्षेत्र भित्र रहेका आम जनसमुदाय गुणस्तरीय उपचार सहि औषधी सेेवन गर्न पाउन साथै उपभोक्त ठग्गीमा नपर्नु भन्ने उदेश्यले अनुगमन गरेको साथै औषधीको बिल बनाएर विक्रीवितरण गर्न समेत निर्देशन दिएको बताएका छन् ।

जनगुनासो बढन थालेपछि अनुगमन गरेको यो अनुगमनलाई निरन्तरता दिने सह स्वास्थ्य संयोजक अजय कुमार नेापालले बताउनु भयो । अनुगमन टोली आएको देख्न साथ केही औषधी पसलका संचालक पसल बन्द गरेर फरार भएका थए ।