सप्तरीको डाक्नेश्वरीमा नपा-१० रन्जितपुरमा आगलागी हुँदा पाँच घर नष्ट र लाखौंको छती

उमेश कुमार साह/राजविराज/जेठ ९ गते।सप्तरीको डाक्नेश्वरी नगरपालिका वडा नम्बर १० रन्जितपुरमा आज दिउँसो आगलागि हुदा पाँच वटा घर जलेर नष्ट भएको छ ।

स्थानिय भरत चौधरीको परालको टालबाट सुरु भएको आगोले निजको एउटा घर,छिमेकी बन्हु चौधरी , उमा कान्त चौधरी, शोभाकान्त चौधरी र लक्ष्मि कान्त चौधरीको एक÷एक वटा घर आगलागीमा परेर जलेर नष्ट भएको स्थानीय रामु चौधरीले जानकारी दिनुभयो ।

उक्त आगलागीमा घर निर्माण गर्न रकम जम्मा पारेका बन्हु चौधरीको घरमा राखिएको करिब नगद रु ६ लाख समेत जलेर खरानी भएको उहाँले बताउनुभयो ।सो आगोमा १२५ सिसिको डिसकोभर मोटरसाइकल समेत जलेको र आफनो घरको सम्पुर्ण समाग्री जलेर खरानी भएको शोभा कान्त चौधरीको भनाई छ ।

अग्निपिडित उमा कान्त चौधरीका अनुसार आगलागीमा करिब घरभित्र रहेका ३÷४ लाखको सुनचान्दी समेत डरेको बताउनुभयो ।सो आगलागीमा खाद्यन्न लताकपडा ,भडार्वतन नगदजिन्सी र घर भित्र रहेको काठ , जस्तापता , फनिचरका समान तथा गोदरेज जलेर खरानी हुदा करिब रु २० लाख मुल्यबाराबरको क्षति भएको इलाका प्रहरी कार्यालय पातोले जनाएको छ ।आगोलाई स्थानियबासी तथा प्रहरी र हनुमान कंकालनि नगरपालिकाका बारुण यन्त्रले अहिले केही छिन अगाडी नियन्त्रणमा लिएको जिल्ला प्रहरी कार्यालय सप्तरीले जनाएको छ । –