ग्लोबल आइएमई लघुवित्त शाखा कार्यालय बोदे बर्साईनद्धारा प्रहरीलाई सेनिटाईजर र मास्क सहयोग

उमेश कुमार साह/सप्तरी/जेठ १ गते।ग्लोबल आइएमई लघुवित्त वित्तीय संस्था लिमिटेड शाखा कार्यालय बोदे बर्साईनले संस्थागत सामाजिक उत्तरदायित्व अन्तर्गत सप्तरीको बोदे बर्साईन नगरपालिका वडा नम्बर ०५ स्थित ईलाका प्रहरी कार्यालय बोदे बर्साईनलाई कोरोना संक्रमणको घडीमा सेनिटाईजर र मास्क सहयोग स्वरूप प्रदान गरेको छ । कोरोना महामारीको संकटदायी घडीमा अग्रपंक्तिमा कार्यगर्दै आइरहेको प्रहरीलाई ग्लोबल आइएमई लघुवित्त वित्तीय संस्था लिमिटेडले स्वास्थ्य सुरक्षा सामग्री हस्तान्तरण गरेको हो ।कोभिड—१९ को महामारीबाट उत्पन्न जोखिमलाई न्यूनीकरण एवं नियन्त्रण गर्नका लागि स्थानीयस्तरमा महामारी प्रभावित वासिन्दालाई राहत–वितरण जस्ता कार्यहरू संस्थागत सामाजिक उत्तरदायित्व अन्तर्गत संस्थाले गर्दै आएको छ ।

कार्य क्षेत्रमा खटिएका सुरक्षाकर्मीको मनोबल थप उच्च बनोस भन्ने उद्धेश्य सहित मासक सेनिटाईजर लगायतको स्वास्थ्य सुरक्षा सामाग्री बितरण गरिएको ग्लोबल आइएमई लघुबित्त बित्तीय संस्था लि. शाखा बोदे बर्साईनको प्रमुख योगेन्द्र प्रसाद यादवले बताए । कोरोना माहामारीको दोस्रो लहरमा समेत ज्यानको बाजी थापेर कार्य क्षेत्रमा खटिएका सुरक्षाकर्मीलाई केहि मास्क सेनिटाईजर लगायतका स्वास्थ्य सुरक्षा सामाग्री हस्तान्तर गर्दा समेत सामाजिक उत्तरदायित्व बहन गरेको अनुभुती भएको उनले बताए । मास्क, सेनिटाईजर बितरणमा प्रमुख यादव सहित कर्मचारी लोकेश यादव , रोशन दास, रन्जित झा , दर्पण थापा मगर र पत्रकार उमेश कुमार साह लगायतको सहभागी थिए ।