एजेन्सी,चैत १४ गते।भारतमा दोस्रो लहरको कोरोना व्यापक हुँदै गइरहेको अवस्थामा मायानगरी मुम्बईको बलिउड इन्डष्ट्रि पनि यसको चपेटमा आएको छ।हालै, लोकप्रिय कलाकार तथा भारतीय जनता पार्टीका सांसद परेश रावल कोरोना संक्रमित भएका छन्।
परेस रावलले शुक्रबारका आफ्नो ट्विटर ह्याण्डालबाट आफू कोरोनाद्वारा संक्रमित भएको जानकारी दिएका छन् । उनले लेखेका छन्, ‘म कोरोना संक्रमित भएको छु। विगत १० दिनदेखि मेरो सम्पर्कमा आउनु हुने जो कोही महानुभावले पनि पीसीआर टेस्ट गराउनु होला । ’
६५ वर्षीय लोकप्रिय कलाकारले कोभिड १९ विरुद्धको पहिलो डोजको भ्याक्सिन लगाइसकेका छन् । १८ दिन अघि परेश रावलले ९ मार्चका दिन भ्याक्सिनको पहिलो डोजको भ्याक्सिन लगाएका थिए।
भ्याक्सिन लिए पछि उनले यस विषयमा जानकारी दिँदै ट्वीटरमा आफ्नो फोटो पनि पोस्ट गरेका थिए ।भारतमा दोस्रो लहरको कोरोना संक्रमण अति तीव्र रूपले फैलँदै गइरहेको छ। भारतमा कोरोना भाइरसका विभिन्न नयाँ भेरिएन्ट जस्तै ‘यूके भेरिएंट’ , ‘ब्राजीलियन भेरियन्ट’, ‘दक्षिण अफ्रीकी भेरियन्ट’ भित्रिसकेका छन् ।
यी भेरियन्टका विरुद्ध कोभिड भ्याक्सिन निष्प्रभावी रहेको समाचार आइसकेका छन् । यसका साथै, भारतमै उत्परिवर्तित भएका कोरोनाका नयाँ संस्करणलाई पनि पहिलाको तुलनामा ‘वाइल्ड’ भनिएको छ। हालै त्यहाँ डबल म्युटेन्टको कोरोना भाइरस देखिएको समाचार प्रकाशित भएको छ।
स्वास्थ्यकर्मीहरुले पहिलादेखि नै भ्याक्सिन लिएका मानिसमा पनि कोरोना संक्रमण हुनसक्ने चेतावनी दिँदै आएका छन् ।दोस्रो लहरको कोरोनाद्वारा संक्रमित हुने कलाकारहरुमा कार्तिक आर्यन, सिद्धान्त चतुर्वेदी, अर माधवन, आमिर खान, रणवीर कपूर, मिलिन्द सोमन पनि रहेका छन।
Discussion about this post