सर्लाहीमा मोटरसाइकलले ठक्कर दिँदा एक वृद्धको मृत्यु

सर्लाही । सर्लाहीको बरहथवा नगरपालिकामा मोटरसाइकलले पैदल यात्रीलाई ठक्कर दिँदा एक वृद्धको मृत्यु भएको छ । वडा नं. ९ पैतालिस बिगा स्थित नयाँ रोड मधुवनि सडक खण्डमा बरहथवाबाट नयांरोड तर्फ जाँदै गरेको बा.५८प.४५३१ नं को मोटरसाइकलले वडा नं. ९ बस्ने पैदल यात्री बर्ष ७० को ज्ञान बहादुर तामाङलाई ठक्कर दिदा तमाङ गम्भिर घाईते भएको थियो ।

घाइते तमाङलाई नमुना अस्पताल हरिवनमा समान्य उपचार पश्चात थप उपचारको लागी बिरगंज तर्फ लाने क्रममा बाटोमै मृत्यु भएको जिल्ला प्रहरी कार्यालयका प्रहरी नायव उपरीक्षक मदन कुवँरले जानकारी दिए । त्यस्तै मोटरसाइकल चालक रामनगर गा.पा १ खैर्वा बस्ने बर्ष १७ को शुसिल गिरी र पछाडि सवार बसबरिया गा.पा. ६ चोर्वा बस्ने १८ को जयराम यादब इलाक प्रहरी कार्यालय मुर्तीयाको नियन्त्रणमा रहेको प्रहरीले जनाएको छ ।