सिरहाको लहान स्थित डिभाइन अस्पतालमा चिकित्सकको लापरवाहीले सुत्केरीको मृत्यु भएको भन्दै अस्पतालमा तोडफोड

सिरहा।सिरहाको लहान स्थित डिभाइन अस्पतालमा चिकित्सकको लापरवाहीले सुत्केरीको मृत्यु भएको भन्दै अस्पतालमा तोडफोड गरिएको छ।

सिरहाको सुखीपुर नगरपालिका–९ वैशाखा निवासी २७ वर्षीया आरती साहको शल्यक्रिया गर्ने क्रममा मृत्यु भएपछि मृतकका आफन्तले लहानस्थित डिभाइन हेल्थ केयरमा आज तोडफोड गरेका हुन्।

चिकित्कसकै लापरबाहीले आरतीको मृत्यु भएको भन्दै मृतकका आफन्तले अस्पतालमा तोडफोड गर्नुका साथै पूर्वपश्चिम राजमार्गसमेत अवरुद्ध गरेका छन्।

आरतीलाई सुत्केरी व्यथा लागेपछि प्रसूति गराउन शनिबार साँझ सो अस्पताल भर्ना गरिएको थियो।

शल्यक्रियाका क्रममा आरतीको मृत्यु भएपछि चिकित्सकसहित अस्पतालका सञ्चालक र अन्य कर्मचारीसमेत फरार भएका छन्। सुत्केरीको मृत्यु भए पनि जन्मिएको शिशु भने सकुशल रहेको र त्यो अस्पतालबाट शिशुलाई सप्तऋषि अस्पताल लगिएको छ ।

लापरवाही गर्ने चिकित्सक तथा अस्पताललाई कारबाहीको माग गर्दै आफन्तजनले नाराबाजी र चक्काजाम गरेपछि डिएसपी शालिग्राम शर्मा पौडेल ,ईलाका प्रहरी कार्यलय लाहानका डिएसपी शरत थापा क्षेत्री ,शस्त्र प्रहरी बल लहानका डिएसपी डम्बर बहादुर राणाले बाटो अबरुद्ध नगर्न आग्रह गर्दा पनि मृतकका आफन्तले नमाने पछि  करिब दिनको १२ बजे तिर बल प्रयोग गरि बाटो खुलाएको थियो। पिडित पक्षले अस्पताल र डाक्टर यादव विरुद्ध जाहिरी दिएका छन्।भने स्वास्थ्य कार्यलय सिरहाका प्रमुखको संयोजकत्वमा लहान अस्पतालका प्रसुती तथा स्त्री रोग विशेषज्ञ एवंम लहान नगरपालिकाका स्वास्थ्य शाखा प्रमुख समेत रहने जिल्ला प्रशासन कार्यलय सिरहा बाट घटना छानबिन गर्न समिति गठन गरिएको छ।