उमेश कुमार साह,सप्त्तरी।बोदे बर्साइन नगरपालिकाले केही समय पहिले कोरोना महामारीका समयमा खर्च भएको विवरण सार्वजनिक गर्दा प्रिन्ट मिस्टेकले भ्रामक प्रचारवाजी भएकोले आज पत्रकार सम्मेलन गरेर कोरोना महामारीका समयमा भएको खर्च विवरण सार्वजनिक गरेको छ ।नगरपालिकाले विहिवार खर्च विबरण सार्वजानिक गर्दै स्यानिटाइजर, साबुन, झुल, म्याट्रेस, मास्क, पञ्जा लगायतका सामाग्री बजार मुल्य अनुसार नै खरिद गरिएको नगपालिकाले जनाएको छ ।
नगरपालिकाका प्रमुख प्रशासकीय अधिकृत गजेन्द्रनाथ शर्माले खर्च विवरणमा प्रिन्ट मिस्टेक भएकोले खर्च विबरण बढी देखिएको बताए । उनले इज्तिमा र अन्य खर्चपनि कोरोना खर्चमै समावेस भएकोले खर्च बढी देखिएको बताए । हाल उनले १ करोड २७ लाख २९ हजार ४ सय २९ रुपैयाँ कोरोना शिर्षकमा खर्च भएको बताए ।शिर्षक अनुसारै खर्च गरी विल भर्पाई राखिएको उनले बताए । यो भन्दा अगाडी सार्वजनिक भएका हिसाब प्रिन्ट मिस्टेक भएका कारण मिडियाहरुमा भ्रामक सामाचार आएको उनले सुनाए ।
संघीय सरकारले कोरोना रोकथाम तथा नियन्त्रणको काममा स्थानीय तहलाई जिम्मेवार र सक्रिय बनाएको छ । यस अभियानमा धेरैजसो स्थानीय तहले प्रभावकारी काम गरेको संघीय मन्त्रालयको बुझाई छ तर केही स्थानीय तहमा भने कोरना रोकथाम र नियन्त्रणको नाममा ठूलो अनियमितता तथा भ्रष्ट्राचार भएको मन्त्रालयका उच्च कर्मचारीहरु नै बताउछन् ।
खर्च विवरण यस प्रकार रहेको छ
बिल भर्पाई विवरण यस प्रकार रहेको छ
Discussion about this post