धनुषामा एक युवतीमाथी सामुहिक बलात्कार

धनुषा।धनुषामा एक १६ वर्षीया युवतीमाथि सामुहिक बलात्कारको भएको छ।धनुषा जिल्लाको धनुषाधाम नगरपालिकाको वडा नं ४ स्थितको गौरीपुरमा दिपावलीको अवसरमा आयोजना गरिएको मेलाबाट गणेशमान चारनाथ नगरपालिका ११ को अन्दाजी बर्ष १६ कि दलित समुदायकी एक युवती पिसाब फेर्न बाहिर निस्किदा रक्सीले मातिएका दुई युवकले उक्त केटिको मुख थुनेर कार्यक्र स्थलभन्दा १ किमि पुर्व तथा अन्हेरबाट प्राथमिक बिधालय शंकरपुर भन्दा ५० मिटर पश्चिमको दुरि स्थितको मैदानमा लागि बलात्कार गरेको इलाका प्रहरी कार्यालय सवैलाले जनाएको छ।

घटनास्थलबाट ती किशोरीलाई चढाएर ल्याएको स्थलबाट स.५ प.७३८१ नम्बरको टिभिएस स्टारसिटी मोटरसाइकल लगायत एक जोडी जुता,एक जोडी कपडा समेत प्रहरीले बरामद गरेको छ। सो मोटरसाइकल प्रहरी चौकी बरमझियाको नियन्त्रणमा राखिएको छ।

बरामद गरिएको मोटरसाइकल लगायत उक्त सामानहरु इलाका प्रहरी चौकी सबैलाको मातहतमा रहेको अस्थायी प्रहरी चौकी बरमझियाको जिम्मा लगाएको र दुबैजना युवकको खोजी कार्य शुरु गरेको इलाकाले जनाइएको छ।

किशोरीको स्वास्थ्य परीक्षणका लागि प्रादेशिक अस्पताल जनकपुरधाम पठाइएको इलाका प्रहरी कार्यालय सवैलाले जानकारी दिएको छ ।