सप्तरी। सप्तरीको डाक्नेश्वरी नगरपालिका–३ तरहीस्थित मुखिया टोलमा पटाकाबाट सल्केको आगोले झण्डै १५ लाख बराबरको क्षति भएको छ ।
डाक्नेश्वरी नगरपालिका ३ तरहीका बतहीदेवी मुखियाको घरबाट अचानक सुरु भएको आगो छिमेकी राजकुमार मुखिया, रामरुप मुखिया, नरेश मुखिया, राज मुखिया र मुकेशकुमार मुखियाको घर र घरमा रहेको सम्पुर्ण सरसामान जलेको सो मुल्य बरावरको क्षति भएको ईलाका प्रहरी कार्यालय पातोले जनाएको छ ।
आगलागीले राजकुमारको मात्रै ६ लाख ५० हजार रुपैयाँको धनमाल जलेको छ । यसैगरी, बतहीको ४७ हजार रुपैयाँ, रामरुपको १ लाख ५० हजार रुपैयाँ, नरेशको ३ लाख ५० हजार, राजको २ लाख रुपैयाँ र मुकेशको २ लाख ७० हजार रुपैयाँको धनमाल जलेर क्षति भएको प्रहरीले जनाएको छ ।
आगलागी स्थानीयबासिन्दा, प्रहरी र वारुण यन्त्रको सहयोगमा नियन्त्रणमा लिएको सप्तरी प्रहरीले जनाएको छ ।
Discussion about this post