आज प्रदेश २ मा थप १६९ जनामा कोरोना संक्रमण पुष्टि,हेर्नुहोस कहाँ कति जना संक्रमित थपिए

जनकपुरधाम।सामाजिक विकास मन्त्रालयका अनुसार पछिल्लो २४ घण्टामा प्रदेश २ मा थप १६९ जना कोरोना संक्रमित थपिएका छन् ।यो संगै संक्रमिसँगै कुल संख्या ११ हजार ५ सय ३९ जना पुगेको छ ।

आज पछिल्लो २४ घण्टामा प्रदेश २ मा सबभन्दा बढी सिरहामा ६७ जना, रौतहटमा ३८ जना, सप्तरीमा ३४ जना, बारामा १४ जना, पर्सामा ६ जना, सर्लाहीमा ५ जना, धनुषामा ३ जना र महोत्तरीमा २ जनामा कोरोना संक्रमण पुष्टि भएको छ ।

सिरहाको सिरहा नगरपालिका वडा नं. १ मा २० वर्षदेखि ५५ वर्षसम्मका ५९ जना पुरुषमा कोरोना संक्रमण पुष्टि भएको छ । त्यस्तै सप्तरीको राजविराज नगरपालिका मिर्चैया प्रहरीका १ जना, डाक्नेश्वरी नगरपालिकाका १ जना, छिन्नमस्ता गाउँपालिकाका ४, राजविराज नगरपालिकामा २६ जना, अनार भुवनेश्वर अस्पताल राजविराजका १ र विसनपुरका १ जनामा कोरोना संक्रमण पुष्टि भएको छ ।

रौतहटको दुर्गा भगवती गाउँपालिकामा २२ जना, सशस्त्र प्रहरीको क्याम्प राजपुर तुसलीमा १ जना, सशस्त्र प्रहरीको हजमिनिया क्याम्पमा १ जना, फतुवा क्याम्पमा ६ जना, यमुनामाई गाउँपालिकामा ४, गौर नगरपालिकाका २ जना र परोहा नगरपालिकाका २ जनामा कोरोना संक्रमण पुष्टि भएको छ ।

बाराको जीतपुर सिमरा उपमहानगरपालिकामा ६, कलैया उपमहानगरपालिकामा २, रामपुर टोकानीमा १, कोल्हवि नगरपालिकामा ३, बारागढी गाउँपालिकामा १ र ईलाका प्रहरी कार्यालय बारागढीमा १ जनामा संक्रमण पुष्टि भएको छ भने पर्साको वीरगंज स्थित भवानी अस्पतालमा १, वाटिका होटलका १, बगाहीका १, जीतपुरका १, चैनपुरका १ र निचुता पटेर्वा सुगौली गाउँपालिकाका १ जनामा कोरोना संक्रमण पुष्टि भएको छ ।

सर्लाहीको बरहथवा नगरपालिकामा ५ जना, धनुषाको जनकपुरधाममा २, गणेशमान चारनाथ नगरपालिकामा १ त्यस्तै प्रादेशिक अस्पताल जनकपुरमा रहेका महोत्तरीको गौशाला नगरपालिका र लोहरपट्टी नगरपालिकाका १÷१ जनामा कोरोना संक्रमण पुष्टि भएको छ ।त्यस्तै ठाउँ नखुलेको स्थानका ८ जनामा कोरोना संक्रमण पुष्टि भएको छ ।

यस्तै पछिल्लो २४ घण्टामा यस प्रदेशबाट ५ महिलासहित ५८ जना कोरोना मुक्त भएर डिस्चार्ज भएका छन् ।जसमा ५३ जना पुरुष र ५ जना महिला रहेको छ।