महोत्तरीमा कोरोना संक्रमितको संख्या निरन्तर बढिहेकोले भदौ ३१ गते राती १२ बजे सम्म निषेधाज्ञा लम्बियाईएको छ।जिल्ला सुरुक्षा समितिको बैठकको निर्णय अनुसार सोमबार राति १२ बजे सम्मका लागि जारी गरिएको निषेधाज्ञालाई आगामी भदौ ३१ गते राति १२ बजे सम्मका लागि बढाइएको महोत्तरीका प्रमुख जिल्ला अधिकारी कृष्ण बहादुर कटुवालले जानकारी दिएका छ्न।
स्थानीय प्रशासन ऐन, २०२८ को दफा ६ (३) र संक्रामक रोग ऐन २०२० को दफा २ बमोजिम जिल्लाभरी निषेधाज्ञाको समयअवधि थपिएको प्रजिअ कृष्ण बहादुर कटुवालले जानकारी दिए ।
अत्यावश्यक पसलहरु जस्तै खाद्यवस्तु, इन्धन, खाना पकाउने ग्यास, तरकारी, फलफूल, दूधडेरी, हार्डवेयर, कपडा पसल लगायतका पसल व्यवसाय सञ्चालकले ग्राहकहरुको तापक्रम नाप्ने, २ मिटरको सामाजिक दूरी कायम गर्ने, मास्क स्नानिटाइजरको प्रयोग गर्ने, नेपाल सरकारबाट जारी भएको जनस्वास्थ्य र सुरक्षा मापदण्ड लगायतका अन्य मापदण्डहरुको समेत पालना सञ्चालन गर्ने निर्णय गरिएको छ ।
जिल्ला प्रशासन कार्यालय महोत्तरीले सैलुन, ब्यूटीपार्लर, हटिया, सब्जीमण्डी, जिमखाना, सिनेमा हल, पार्टीप्यालेस तथा सपिङ्ग मलहरु बन्द राख्न सूचना मार्फत जानकारी गराएको छ ।
साथै अत्यावश्यक काम बिना बाहिर ननिस्कने,बच्चा तथा ६० वर्ष भन्दा माथिका व्यक्ति स्वास्थको आवश्यकता बाहेक बाहिर निस्कन निरुत्साहित गर्ने ,कोहि बाहिर निस्कनै परेको खण्डमा कोभिडबाट बच्न स्वास्थ सुरक्षा अपनाई निस्कन आग्रह गरेको छ ।
Discussion about this post