धनुषा । धनुषामा कोरोना संक्रमितको संख्या निरन्तर बढिहेकोले थप एक साता लागि निषेधाज्ञा लम्बियाईएको छ ।जिल्ला सुरुक्षा समितिको बैठकको निर्णय अनुसार आइतबार राति १२ बजे सम्मका लागि जारी गरिएको निषेधाज्ञालाई आगामी भदौ २८ गते राति १२ बजे सम्मका लागि बढाइएको धनुषाका प्रमुख जिल्ला अधिकारी प्रेमप्रसाद भट्टाईले जानकारी दिए ।
जिल्ला सुरक्षा समितिका अध्यक्ष तथा धनुषाका प्रमुख जिल्ला अधिकारी भट्टाईको अध्यक्षतामा बसेको बैठकले यस्तो निर्णय गरिएको छ ।तर निषेधाज्ञाको अवधीमा अब दिउँसो २ बजेसम्म पस्ल खोल्न दिने निर्णय भएको छ । यसअघि मध्यान्ह १२ बजेसम्म मात्र बजार खोल्न दिने निर्णय गरिएको थियो ।स्थानीय प्रशासन ऐन, २०२८ को दफा ६ (३) र संक्रामक रोग ऐन २०२० को दफा २ बमोजिम जिल्लाभरी निषेधाज्ञाको समयअवधि थपिएको प्रजिअ भट्टराईले जानकारी दिए ।
खाद्यवस्तु, इन्धन, खाना पकाउने ग्यास, तरकारी, फलफूल, दूधडेरी, हार्डवेयर, कपडा पसल लगायतका पसल व्यवसाय सञ्चालकले ग्राहकहरुको तापक्रम नाप्ने, २ मिटरको सामाजिक दूरी कायम गर्ने, मास्क स्नानिटाइजरको प्रयोग गर्ने, नेपाल सरकारबाट जारी भएको जनस्वास्थ्य र सुरक्षा मापदण्ड लगायतका अन्य मापदण्डहरुको समेत पालना गरी अर्को सूचना जारी नभएसम्मका लागि दिउँसो २ बजेसम्म सञ्चालन गर्ने निर्णय गरिएको छ ।
जिल्ला प्रशासन कार्यालय धनुषाले सैलुन, ब्यूटीपार्लर, हटिया, सब्जीमण्डी, जिमखाना, सिनेमा हल, पार्टीप्यालेस तथा सपिङ्ग मलहरु बन्द राख्न सूचना मार्फत जानकारी गराएको छ ।
साथै जिल्लाभरको कुनैपनि स्थानमा राति ८ बजेदेखि बिहान ५ बजेसम्म हिंडडुल नगर्न तथा १० वर्ष भन्दा मुनीका बालबालिका र ६० वर्ष भन्दा माथिका व्यक्तिलाई कुनैपनि कामले घर बाहिर ननिस्कन आग्रह गरेको छ ।
Discussion about this post