आज थप १,२२१ जनामा कोरोना संक्रमणको पुष्टि

काठमाडौ । पछिल्लो २४ घण्टामा नेपालमा थप १,२२१ जनामा कोरोना भाइरसको सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ।यो वृद्धिसँगै सङ्क्रमित व्यक्तिहरूको कुल सङ्ख्या ३८,५६१ पुगेको सरकारी तथ्याङ्कले देखाउँछ।देशभरका प्रयोगशालामा १२ हजार ७१७ नमुना परीक्षण गर्दा ३४८ महिला र ८७३ पुरुषमा संक्रमण पुष्टि भएको हो ।

आइतवार अपराह्ण आयोजित दैनिक प्रेस ब्रीफिङमा मन्त्रालयका प्रवक्ता डा. जागेश्वर गौतमले दिएक जानकारी अनुसार काठमाडौं उपत्यकामा मात्र ४२९ संक्रमित भेटिएका छन् । उनीहरुमध्ये काठमाडौंका ३७२, भक्तपुरका ४५ र ललितपुरका १२ जना छन् ।

यस्तै चितवनका ९० जना, बाराका ८२ जना, धनुषाका ७५ जना, रुपन्देहीका ६१ जना, मोरङका ४९ जना,बझाङका ४७ जना, पर्साका ४६ जना, महोत्तरीका ३७ जना, सर्लाहीका ३४जना, सुनसरीका ३३ जना, सिराहाका २६ जना, काभ्रेका २५ जना,कपिलवस्तुका २५ जना, नवलपरासीका २१ जना, बाँकेका १४ जना, झापाका ११ जना, डोटीका ११ जना छन् ।

यस्तै मकवानपुरका ९ जना, पाल्पा ८ जना ,अछामका ८ जना, सप्तरीका ६ जना, गुल्मीका ६जना, बर्दियाका ६ जना, कैलालीका ६ जना, सिन्धुलीका ५ जना, कास्कीका ५ जना, गोरखाका ५ जना, प्युठानका ५ जना,दाङका ५ जना, ओखलढुंगाका ४ जना, तनहुँका ४ जना, धादिङका ३ जना, बाग्लुङका ३ जना,अर्घाखाँचीका ३ जना, संखुवासभाका २ जना, सिन्धुपाल्चोकका २ जना, नवलपुरका २ जना,दार्चुलाका २ जना ,इलामका १ जना , पाँचथरका १ जना, रामेछापका १जना ,कञ्चनपुरका १ जनामा संक्रमण पुष्टि भएको छ।