काठमाडौ । कोरोना भाइरसको संक्रमणका कारण नेपालमा आइतबार थप १४ जनाको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या २२१ पुगेको छ ।
स्वास्थ्य मन्त्रालयका प्रवक्ता डा. जागेश्वर गौतमले नियमित लाइभ अपडेटमा उक्त जानकारी दिएका हुन् । मन्त्रालयका अनुसार आज ४ महिला र १० पुरुषको मृत्यु भएको छ ।
मृत्यु हुने महिलाहरुमा सुनसरीकी ७४ वर्षीय, बाराकी ४७ वर्षीया, महोत्तरीकी ६२ वर्षीया र काठमाडौंकी ७२ वर्षीया गरी ४ जना महिलाहरु रहेका छन् ।त्यस्तै मृत्यु हुने पुरुषहरुमा सुनसरीको ६० वर्षीय, मोरङको ६२ वर्षीय, महोत्तरीको ७० र ३५ वर्षीय गरी २ जना रहेका छन् । त्यस्तै रौतहटको ३० वर्षीय, ललितपुरको २९ वर्षीय, भक्तपुरको ६५ वर्षीय, नवलपरासीको ६२ र रुपन्देहीको ५७ र ६७ वर्षीय पुरुषको कोरोनाको कारण निधन भएको प्रवक्ता डा गौतमले जानकारी दिए ।
हाल नेपालमा कोरोनाको कारण मृत्यु हुनेको संख्या बढिरहेको छ । शनिवार मात्र नेपालमा कोरोनाको कारण १२ जनाको मृत्यु भएको थियो ।
Discussion about this post