‘द कपिल शर्मा शो’ प्रतिबन्ध गर्न माग,आलियासँग पनि तर्किन थाले निर्माता

एजेन्सी । पछिल्लो समय बलिउड्मा अजबगजब घटनाहरु बाहिर आइरहेको छ। भारतको चर्चित कार्यक्रम ‘द कपिल शर्मा शो’ प्रतिबन्ध गर्न माग उठेको छ । सुशान्त सिंह राजपूतका प्रशंसकले ‘द कपिल शर्मा शो’ लाई प्रतिबन्ध गर्न माग गरिरहेका छन् । कार्यक्रमका निर्मातामा सलमान खानको नाम पनि समावेश भएका कारण सुशान्तका प्रशंसकले यस्तो माग गरिरहेका छन् ।

सुशान्तको मृत्युपछि सुरु भएको नेपोटिजम विवादमा सबैभन्दा बढी आलोचित हुनेमा सल मान पर्छन् । यसै कारण फेसबुकमा सोमबार एक प्रयोगकर्ताले जस्टिस फर सुशान्त सिंह राजपूत ह्यास्ट्याग एसएसआर नामक ग्रुपमा लेखे, ‘प्रिय सदस्य, द कपिल शर्मा शोलाई पूर्ण रूपमा बहिष्कार गरौँ ।’

‘द कपिल शर्मा शो’ कार्यक्रमका सह–निर्माता सलमान खान भएको र उनलाई उनको फिल्मको माध्यमले मात्रै नभई सबैतिरबाट, हरेक स्थानबाट उनलाई पूर्ण रूपमा बहिष्कार गर्नुपर्छ । अबदेखि ‘द कपिल शर्मा शो’ पूर्ण रूपमा बहिष्कृत । भनि ग्रुपका अन्य सदस्यले पनि आवाज उठाएका छन् । सोसल मिडियामा सुशान्तका थुप्रै प्रशंसकले दिवङ्गत युवा अभिनेता फिल्म उद्योगमा नेपोटिजमका सिकार भएको विश्वास राख्छन् ।

हाल यो ग्रुपमा ९१ हजार सदस्य छन् । कमेडी शो बहिष्कार गर्ने आह्वानको समर्थन दिँदै थुप्रै सदस्यले पोस्टलाई लाइक, सेयर र कमेन्ट गरेका छन् ।

सलमान ती थुप्रै बलिउड हस्तीमध्ये एक हुन् जो सुशान्तको मृ’त्युपछि सुरु भएको नेपोटिजमको आलोचनाको सामना गरिरहेका छन् । सोसल मिडियामा सुशान्तका थुप्रै प्रशंसकले दिवंगत युवा अभिनेता फिल्म उद्योगमा नेपोटिजमका शिकार भएको मान्यता राख्छन् ।

हालै, आफ्नो ब्रान्डद्वारा लञ्च गरिएको कोभिड–१९ मास्कलाई प्रोमोट गर्ने एक ट्वीट साझा गरेपछि सलमान खान सोसल मिडियामा ट्रोल भएका थिए ।

आलिया भट्टसँग तर्किन थाले फिल्म निर्माता

सुशान्त सिंह राजपूतको मृ’त्यु’पछि उनका प्रशंसकसहित थुप्रै मानिसहरु रिसले भरिए र उनीहरुमध्ये धेरैको यो मान्यता छ कि सुशान्त नपोटिजमका शिकार भएका छन् ।

ती मानिसहरु यस्ता व्यक्तिविरुद्ध उत्रिए जो आफ्ना पिताको नाममा फिल्म इन्डष्ट्रिमा आएका छन् । यीमध्ये एक आलिया भट्ट पनि छिन् ।

आलियासँग रिसाउनुको अर्को कारण यो पनि हो कि रिया चक्रवर्ती र आलियाका पिता महेश भट्ट एक–अर्कालाई राम्रोसँग चिन्छन् र रिया लगातार महेश भट्टसँग सल्लाह लिइरहन्छिन् । यी दुईको ह्वाट्सएप च्याट पनि निकै भाइरल भइरहेको छ ।

यतिबेला रियामाथि विभिन्न न का रात्मक टिप्पणी भइरहेको छ । तसर्थ महेश भट्टको आगामी फिल्म ‘सडक टु’ को ट्रेलरले युट्युबमा बेस्सरी डिस्लाइक पाएको छ जसमा आलिया भट्ट मुख्य भूमिकामा छिन् ।

आलिया भट्ट पनि निशानामा छिन् र उनले पनि सोसल मिडियामा अत्यधिक नकारात्मक टिप्पणीको सामना गर्नुपरिरहेको छ । भारतीय मिडियामा प्रकाशित सामाचार अनुसार उनलाई लिएर फिल्म बनाउने योजना बुनिरहेका निर्माता–निर्देशक पनि अब आफ्नो निर्णयमाथि नयाँ ढङ्गले विचार गरिरहेका छन् ।

आमा–बुवामार्फत् बलिउडमा प्रवेश भएका कलाकार र निर्देशकलाई बोयकट गर्ने कुरा लगातार उठिरहेका बेला करोडौं रकम जोखिममा नपार्न निर्माता–निर्देशकले विचार गरिरहेको बताइएको छ ।

आलियाको ब्रह्मास्त्र र गंगूबाई काठियावाड रिलिज हुने तयारीमा छ । यसबाहेक सडक टु ओटीटी प्लेटफर्ममा २८ अगस्टमा रिलिज हुनेछ ।