आज प्रदेश २ मा थप १४४ जनामा कोरोना संक्रमण पुष्टि कहाँ – कहाँ कति संक्रमित थपिए हेर्नुहोस विवरण सहित

जनकपुर ।प्रदेश २ मा पछिल्लो २४ घण्टामा १४४ कोरोना संक्रमित थपिएका छन् । योसंगै प्रदेश २ मा कोरोना संक्रमितको संख्या ६९६५ पुगेको छ ।

प्रदेशमा आज स्वास्थ्यकर्मी, बैँककर्मी, कानूनकर्मी, मुख्यमन्त्री कार्यालय र आवासका कर्मचारी लगायतमा संक्रमण पुष्टि भएको हो । आज सबैभन्दा बढी पर्सामा ६६ जना, धनुषामा ३२, रौतहटमा २१, सर्लाहीमा १२, महोत्तरीमा ७ र बारामा ६ जनामा कोरोना पुष्टि भएको छ ।

पर्साको वीरगंजमा २६ जना, वीरगंजकै अपौनीमा ३ जना, श्रीपुरमा ४ जना, पानीट्याङ्कमा ३ जना, रानीघाटमा २ जना, उच्च सरकारी वकिल कार्यालयमा १ जना, स्वाबलम्बन लघुवित वित्तिय संस्थामा १ जना, भवानीपुरमा २, पर्सागढी हारपुरमा १, नारायणी अस्पतालमा २, पर्सागढी नगरपालिकामा २, बिन्दवासिनी गाउँपालिकामा १, पोखरिया नगरपालिकामा १२, बहुदरमाई नगरपालिका भवनाटारमा १, पनटोखामा १, परवानीपुर पर्सामा १, वीरगंजको सुगौलीमा १ र ठाउँ नखुलेको स्थानका २ जनामा संक्रमण पुष्टि भएको हो ।

धनुषाको जनकपुरधाममा ४ जना, मिथिला विहारी नगरपालिका ललियामा ११ जना, जवडीमा १, गुरासँ लाइफ इन्स्योरेन्सका २, मुख्यमन्त्रीका आवासमा कार्यरत्त औरही गाउँपालिका र जनकपुरधामका एक-एक जना, मुख्यमन्त्री कार्यालयका ३ जना, काव्या अस्पतालका १, नेपाल राष्ट्र बैँक जनकपुरधामको कार्यालयमा ३ जना, नेपाल बाङ्गलादेश बैँकका ३ जना र हंसपुर नगरपालिकाका २ जनामा कोरोना संक्रमण पुष्टि भएको छ ।

त्यस्तै रौतहटको राजदेवी नगरपालिकाका १६, चन्द्रपुर नगरपालिकाका ३, गरुडा नगरपालिकाका १ र ठाउँ नखुलेको स्थानका १ जनामा संक्रमण पुष्टि भएको छ । त्यस्तै सर्लाहीको लालबन्दी नगरपालिकामा ११ जना र हरिपुर नगरपालिकामा १ जनामा कोरोना संक्रमण पुष्टि भएको छ ।

महोत्तरीको जलेश्वर नगरपालिकामा ५ जना, बलवा नगरपालिकामा १, काव्या अस्पतालमा रहेका मटिहानी नगरपालिकाका १ जनामा संक्रमण पुष्टि भएको हो ।

त्यस्तै बाराको कोल्हवि नगरपालिकामा १, नेपाल इन्भेष्टमेन्ट बैँक जीतपुर ब्रान्चका १, परवानीपुरका १, कलैयाका २ र महागढीमाई नगरपालिकाका १ जनामा कोरोना संक्रमण पुष्टि भएको स्वास्थ्य निर्देशनालय प्रदेश २ ले जनाएको छ ।

पछिल्लो २४ घण्टामा ६ महिला सहित ७५ जना निको भएर आफ्नो घर फर्केका छन् । कोरोनाबाट निको हुनेको संख्या ३ हजार ६ सय ८७ पुगेको छ । हाल यस प्रदेशमा ३ हजार २ सय ३३ जना संक्रिय कोरोना संक्रमित रहेका छन् ।

समाजिक विकास मन्त्रालयका वरिष्ट चिकित्सक डा. कमलेश प्रसाद यादवका अनुसार पछिल्लो २४ घण्टामा ६९ पुरुष र ६ महिला गरी ७५ जना उपचारपछि निको भएर घर फर्केको छन भने २ जनाको मृत्यु पुष्टि भएको छ । योसंगै यस प्रदेशमा कोरोना संक्रमित मृतकको संख्या ४५ पुगेको छ ।